Früher oda später (One Of Us Must Know)

I hob ned wolln, dass'd ma jetzt bös bist
Glaub bitte ned, es woa persönlich gmant
Und i hob ned dran dacht, dass du ja so nervös bist
Es woa a Zufall, dass i di troffn hab
Oba wia i di gsehn hab, mit dein' oidn Freind
Schmusn, na do woa fia mi völlig kloa
Dass'd wieder zu eahm zruckgangen bist
I hob doch ned gwusst, dass des a Abschied für immer woa!

Oba, früher oda später, wird ana von uns sehn
Es liegt die Schuld ned nur alla bei mir
Früher oda später, wird ana von uns sehn
Dass i's immer nur guat gmant hob mit dir!

I hob ned ghört, wann du wos gsogt host
Du host die Hand ghobt vua dein' Mund
Und mi hod a ned gstört, dass'd mi nie gfrogt host
Weu zuvü Neugier find i eh ned gsund
Doch dann host mi auf dei Zimmer gführt
Und g'sogt, du host no nie an andern geküßt
I hob ned begriffn, dass' jetzt gfährlich für mi wird
I hob afoch ned gsehn, wia jung du no bist!

Oba, früher oda später, wird ana von uns sehn
Es liegt die Schuld ned nur alla bei mir
Früher oda später, wird ana von uns sehn
Dass i's immer nur guat gmant hob mit dir!

I hob nix mehr gsehn, weu ollas verschneit woa
I hob di nurmehr ruafn ghört
Und i hob nimmer gwusst, wos nah und wos weit woa
Doch du hast gmoant bist mei Vertrauen scho wert
I hob mi dann entschuldigt, und du host ma erzählt
Dass'd glogn host mit deiner Gschicht und host dabei glocht
Und wiast ma dann die Augn auskratzt host
Hob i dir gsogt, i hob des ollas ned mit Absicht gmocht!

Oba, früher oda später, wird ana von uns sehn
Es liegt die Schuld ned nur alla bei mir
Früher oda später, wird ana von uns sehn
Dass i's immer nur guat gmant hob mit dir!