Flouka | فلوكة

[اللازمة]
بعتيني رخيص يا بلادي رمتيني فالبحور
مشيت باقي صغير يا بلادي رزيتني فالصغور
سماحلي بزاف يالمويمة كنت عايش مقهور
ولدك مات في البحور
سماحلي وماتبكيش

[المقطع الأول]
على شانك يا المويمة غانبقا هنا ونصبر
نصوڤي حالي كيف ديما وهكذا حكمت الأقدار
صحابي ولاد الحويمة كاملين ماتو فالبحر
ديماري ديك السفينة مابقيت باغي نهجر
على شانك يا الحنينة نلوح روحي فالبحر
إلا عطاوني هذه الدنيا نبنيها لك قصر
سبعة دالخوت وانتيا والواليد راه فقبر
بأسنانك هزيتينا والله يطول العمر

[اللازمة]
بعتيني رخيص يا بلادي رمتيني فالبحور
مشيت باقي صغير يا بلادي رزيتني فالصغور
سماحلي بزاف يالمويمة كنت عايش مقهور
ولدك مات في البحور
سماحلي وماتبكيش

[المقطع الثاني]
حيت ما في حالناش ما غنركبوش فالبابور
خرجنا بالليل من المرسى دالناظور
ضربو علينا بالبيل لا مارين بنا تدور
تقلبت بينا الفلوكة وحياتنا مشات فابور
عشيري كيموت حدايا وأنا غير كنشوف
عشيري كيقولي عتقني عفاك مابغيتش نموت
شاف في وقال لي صحبي هاهي فرقتنا الموت
كنت نبقى غير في بلادي ولا يأكلني الحوت

[اللازمة]
بعتيني رخيص يا بلادي رمتيني فالبحور
مشيت باقي صغير يا بلادي رزيتني فالصغور
سماحلي بزاف يالمويمة كنت عايش مقهور
ولدك مات في البحور
سماحلي وماتبكيش