Florita (Live)

Dito lang muna ako sa ating pangarap
Hangin sa king mukha
Sa'yo aking munting alaala
At sa pag pikit ng aking mata
Ikaw agad ang nakikita
Ngiti at liwanag
Sa pagmulat muling nawala

Hagupit na kay pait
Tila ninakaw ang aking tuwa
Puso, puso, puso ay naiwan
Mag-isa at nawawala

Mga tanong na walang sagot
Hagulgol, o puno ng poot
At sa gabi na tahimik
Boses mo’y naririnig

Nilisang nalunod
Ako ngayo'y nakaluhod
Pira-pirasong 'di makuntento
At sa aking pagtingala doon
Ikaw ay nakikita

Isang araw tayo rin ay magsasama
’Di na ako muling luluha pa

Sa aking pag-iisa
Ito ang pinanghahawakan
Pangako na aking binitawan
Sa ating mga pangarap noon
Ang ating magiging tagpuan

Isang araw tayo rin ay magsasama
'Di na tayo muling luluha pa