Ffeɣ a yajṛaḍ tamurt-iw

Ya lfahem a k-nesteqsi
F lǧil n At Qasi
Ur yeḥkim ḥed akken llan

Ya lfahem a k-nesteqsi
F lǧil n At Qasi
Ur yeḥkim ḥed akken llan

Si tizi alamma d tizi
Ḥed ma ad ten-iεaṣi
S lbaṛud i tt-id-ḥellen

Asmi sen-irad s trusi
Ciṭṭuḥ d iɣisi
Cci nsen yegṛa-d ɣer yiḍan

Ffeɣ ay ajrad tamurt-iw
Lxiṛ d-uffiḍ zik yemḥa
Ma d lqaḍi ik-yezzenzen
Awi-d leεqed ma iṣeḥḥa

Ffeɣ ay ajrad tamurt-iw
Lxiṛ d-uffiḍ zik yemḥa
Ma d lqaḍi ik-yezzenzen
Awi-d leεqed ma iṣeḥḥa

Ay axxam tedduri tmurt
Sseqf-ik yecteḥ yeεra
Yal tamaṭ ad srugmut
Xeṛben lexyuḍ deg uẓeṭṭa

Liser ur t-id-bedder xas ru-t
Ayes-it ur d-iberren ara
Widen ara k-d-yaǧǧwen ttbut
Ffɣent-asen tirga mxalfa

Ffeɣ ay ajrad tamurt-iw
Lxiṛ d-uffiḍ zik yemḥa
Ma d lqaḍi ik-yezzenzen
Awi-d leεqed ma iṣeḥḥa

Win ara tt-yefrun ulac
Yexweḍ yemcubbek yixef-is
Seg uɣilif fesden warrac
Ur yeεqil baba-s mmi-s

Caren f lqum n ṛbeεṭac
Win d-iteddun aketṛ-is
Uglan mesden i tkerrac
Aḥezzeb ihujeṛ amḍiq-is

Ffeɣ ay ajrad tamurt-iw
Lxiṛ d-uffiḍ zik yemḥa
Ma d lqaḍi ik-yezzenzen
Awi-d leεqed ma iṣeḥḥa

Yal yiwen akken d-isewweq
S leqrar ur d-glin ara
Ddel yečča-d lecqayeq
Iḥar ad yeṭṭef tasga

Neḥḍer i tegmatt tefreq
Srebḥen-tt tefra ṛṛeḥba
Yettban wass-agi ad yelḥaq
Yeḥṣel wexlul di lɣiḍa

Ffeɣ ay ajrad tamurt-iw
Lxiṛ d-uffiḍ zik yemḥa
Ma d lqaḍi ik-yezzenzen
Awi-d leεqed ma iṣeḥḥa

Texxuxed tegmatt tuḍen
A tḥeffu am yeẓra n wassif
Tsebber i way d-ittṣaren
Tettagad ad as-tebru i nnif

Tiḥemmal i d-yenneɣlen
Ɛebbant s yal d aɣilif
Iṭij-is ad yecrurqen
D netta ad s-yessekwen adif

Texxuxed tegmatt tuḍen
A tḥeffu am yeẓra n wassif
Tsebber i way d-ittṣaren
Tettagad ad as-tebru i nnif

Texxuxed tegmatt tuḍen
A tḥeffu am yeẓra n wassif
Tsebber i way d-ittṣaren
Tettagad ad as-tebru i nnif