Fatima

[المقطع]
لي هدروا عالإنجازات بالأرقام و الإستثمار
الميزان في لوروسكوب و الميزانية فالدّار
نساو الصح بلا شبّان الجزاير ما تكون
فاطمة راحت للواد تغسل و نسات الصابون

لي قالوا الأكل يْقَيّي خاطرش مشري بالدينار
صاري الباطل فالجنوب عقرب يكمي فالعرعار
على الثمنية تشوف الأخبار فون دو تان داير قلّوز
فاطمة راحت للواد تغسل نسات الصابون

داروا ويكاند فيه اللّوش زعمة قالوا الإقتصاد
بقاو غير يديرولنا لي كوش وين وصل الانحطاط
شوف الراعي راه مزطول و الذيب قاتلينه بالجوع
فاطمة راحت للواد تغسل نسات الصابون

البنيان قاع فالشّمال كيما قالوا ربعة حيوط
الجزاير قد السخَط تْسكّن فيها نص الكون
الله غالب الشعار لي تسقسيه شا غادي يقول :
فاطمة راحت للواد تغسل نسات الصابون

من بعد يْجُو الجراثيم ما علابالي خرجوا منين
غطّاو الراقد بكلام ما يسولى حتّى سنتيم
كان خصنا غير ذاك الشي بيناتنا ما نتفاهموش
فاطمة قاع خاطيها في ذي الضربة تقعد فالدوش

ديرو جماعة ديرو قروب ديرو كوليكتيف ، كولو الراب
يروح الضو يحبسوا قاع باينة بلّي بداو غلاط
جايبين الراب من الكعالة ، دين الربّ أم الفنون
فاطمة راحت للواد تغسل و نسات الصابون

ما كان لي دارلي فالجيب ، ملّي بدين أنايا شحال
من واحد بدا و حبّس أنا و بانيس هنا مازال
لي درته درته وحدي و الناس فيا ما يسالوش
فاطمة ولّي للدّار أخطيك مالواد روحي للدّوش