FAHMAN DONIA - فهمان دنيا

[المقدمة]
مش عارف ليه الليالي دي بالذات
بفتكر ماضي عليه مية علامة إستفهام
غش، غل، كذب، كراهية، كل شيء متاح
في دنيا فيها الصادق قيمته أقل من الكذاب
ما لقيتش فايدة أرمي ودني لكلام الناس
شافوني غلط، برضه أنا كملت وبإعجاز
يمين، شمال، طريقي منين؟ تايه، كنت محتاس
قررت أمشيها صح الصح الصح وعكس عكاس
(حاول تفتكر)

[اللازمة]
ياه، الصورة مقسومة نصين بالظبط
فحاولت أوزنها مشيت ع الخط، خلاص فرهدت
جوابي إتبعت، سؤالي إتسأل، ما شُفتش رد
لحظة وعليها أسمنت إتصب
وأنا فهمان دنيا، إزاي أتخض؟
‫رؤيتي للورقة غير التقليدي
ده رأي الزُملا، أنا سِبت النص، بنيت شخصيتي
ما سِبتش مصر، أنا لسه في بيتي
‫‫ما عِشتش Fake وما عِشتش زيف
أنا من الأرياف، أنا راجل البيت
والعيش والملح يا أخويا ما نسيت

[المقطع الأول]
موجة الدبرسة جَتلي زي في أيام المدرسة
حضني إتعزل، قلبي إتوفى، ما رُحتش عزا
صباح ومسا، تركت الحب وأخَدت الأذى
كله إتحذف، بوظت علاقتي بكل الناس مع كل الأسف
فسألت "إزاي؟" كإني نسَّاي
لو هشكي الحال هبدأ بودكاست وهكون رغاي
وهوَدّي حزايني وأخليك تبكي، أنا زي الناي
لسه ما حسِّنتش حالي، ‫‫بيقولك "قوم يا موس، في موسم جاي"
موسم إيه؟ بقالي شهور محجوز في البيت
مخنوق من الحيط وحال الدماغ مربوط من خيط
‫‫وشي الفرفوش بقى غير مألوف، بيقول "ملّيت"
مسحول في الصورة، الصورة، الصورة دي طول الليل

[اللازمة]
ياه، الصورة مقسومة نصين بالظبط
فحاولت أوزنها مشيت ع الخط، خلاص فرهدت
جوابي إتبعت، سؤالي إتسأل، ما شُفتش رد
لحظة وعليها أسمنت إتصب
وأنا فهمان دنيا، إزاي أتخض؟
‫رؤيتي للورقة غير التقليدي
ده رأي الزُملا، أنا سِبت النص، بنيت شخصيتي
ما سِبتش مصر، أنا لسه في بيتي
‫‫ما عِشتش Fake وما عِشتش زيف
أنا من الأرياف، أنا راجل البيت
والعيش والملح يا أبويا ما نسيت، آه

[المقطع الثاني]
ليه ما فيش منك؟ مش لاقي
في الواقع الإستبدادي
إزاي تاه مني النص التاني؟
نصي الألماني
إتقطعت صلتي والقافلة تسير
‫‫هل فعلًا دي قافلتي؟ أنا شكلي محتاج Therapy
بسأل نفسي سؤال وبرد كإني إتنين
بعدين نتشاكل وبنتشاكل، طب بعدين
حاولت أحل بين الطرفين
هو أنا بتألم ولا بتجنن؟
في دماغي صوت صرخة قاعدة بتدندن
‫حللت الماضي، قُلت "إيه إللي جرالي؟"
ليه بقيت زومبي برؤية رمادي؟ واخد الدنيا براسي
أي إحساس يظهر أقوم طافي، طب مالك المرة دي؟
وغلاوتك عندي أنا من بعدك ما عرفت أمشيها طوالي
وصورتنا لسه في بالي حاضناني

[اللازمة]
ياه، الصورة مقسومة نصين بالظبط
فحاولت أوزنها مشيت ع الخط، خلاص فرهدت
جوابي إتبعت، سؤالي إتسأل، ما شُفتش رد
لحظة وعليها أسمنت إتصب
وأنا فهمان دنيا، إزاي أتخض؟
‫رؤيتي للورقة غير التقليدي
ده رأي الزُملا، أنا سِبت النص، بنيت شخصيتي
ما سِبتش مصر، أنا لسه في بيتي
‫‫ما عِشتش Fake وما عِشتش زيف
أنا من الأرياف، أنا راجل البيت
والعيش والملح يا أبويا ما نسيت، آه

[الخاتمة]
مش عارف ليه الليالي دي بالذات
بفتكر ماضي عليه مية علامة إستفهام
غش، غل، كذب، كراهية، كل شيء متاح
في دنيا فيها الصادق قيمته أقل من الكذاب
ما لقيتش فايدة أرمي ودني لكلام الناس
شافوني غلط، برضه أنا كملت وبإعجاز
يمين، شمال، طريقي منين؟ تايه، كنت محتاس
النهاردة مشيتها صح الصح الصح وعكس عكاس