Ethnia Twila (The Road Is Long)

واقف نغزر لبعيد نفكر في غدو كيفاه
ونخمم في البارح ونحاول نفهم علاه الأيام مكتوبة بوجايع
وطريق الدار ضايع، ضايع، ضايع
في عيني حكاية حكاية بلادي غارقة في ضلام وثنيتو طويلة
في وسطي شمعة في وسطي دمعة كيف كل حر ولدتو أرضي
في وسطي شرارة في وسطي حرارة تسقي نار أولاد بلادي
لا لا مانيش ناسي منين جيت
ومنين يجري دمي لا لا مانيش ناسي إلي كبرت فيه وفعروقي يسري
لا لا مانيش ناسي ثنية بلادي طويلة على جال الحرية وضد الخضوع
يلزمك يا أمة تكون قوية وصابرة وتكافح ويكون ... في وسطك شمعة في وسطك دمعة كيف كل حر عطا روحو لارضك في وسطك شرارة في قلبك حرارة تسقي ثورة ولاد بلادك
في وسطي حسرة في قلبي غصة ملي عايشين فيه ولاد البلاد في راسي حلمة في فمي كلمة نكونو بيها الكل أسياد بلادي
فوق كل ضالم وكل مستبد ورغم إلي الثنية طويلة حب الحرية فقلبي للابد...