Eshba3o Menni Ana Yemken Amoot (Khayef Aban Ana Za3lan) - اشبعو مني انا يمكن اموت (خايف ابان انا زعلان)

[المقدمة]
خايف أبان إن أنا زعلان
لا يقولوا عليا بمثل
فأنا بعمل إن أنا فرحان
عشان معاكو أعرف أكمل
من إمتى بتسألوا عني؟
غير لما بتحتاجوا حاجة مني
لما وقعت ما حدش شالني
كله بيعمل نفسه عبيط
كيمو الديب

[اللازمة]
إتعودت إن أنا ما أبقاش
على حد في يوم وأتعلق
واللي يروح بعتبره ما جاش
ياما الدنيا دي بتفرق
بايع الدنيا، ضاربها طناش
والنسيان أصبح مبدأ
قلبي أبيض بس ما بنساش
اللي في يوم بيا إستهزأ

[المقطع الأول]
مش شاغل بالي ومنفض
كارف للي كرف وإستعبط
عادي ما كل حاجة بتتعوض
مش همسك في البايعين
ضحكتي بقت مسروقة
بس ع العادي وملحوقة
حواراتكم بقت محروقة
هنروح من بعضنا فين؟

[اللازمة]
خايف أبان إن أنا زعلان
لا يقولوا عليا بمثل
فأنا بعمل إن أنا فرحان
عشان معاكو أعرف أكمل
قلت إخواتي وإديتكو أمان
وما جاش في بالي إني أتغفل
فجأة لقيتني إن أنا غلطان
وإن أنا قلبي بيتبهدل

[المقطع الثاني]
عن نفسي هصاحب نفسي
ما أنا طول عمري ما بينكو ومنسي
حلوة الوحدة عشان بتقسي
فإخترت إني أبقى وحيد
من إمتى بتسألوا عني؟
غير لما بتحتاجوا حاجة مني
لما وقعت ما حدش شالني
كله بيعمل نفسه عبيط

[اللازمة]
إشبعوا مني، أنا يمكن أموت
وممكن فجأة ما تلاقونيش
ليه بقى بيني وبينكو حدود؟
ده المفروض أنا غيركو ماليش
نفسي في حد معايا ع الموت
وأما أحتاجه ده ما يسيبنيش
ده أنا محطوط بين خلق يهود
لما بتقدر ما بتعفيش

[المقطع الثالث]
عمالة في وشي تضلم
كل ما أقول هتروق تتأزم
وماليش غيري، في نفسي بكلم
ده أنا من كل الناس زعلان
في مرايتي واقف متأثر
زعلان على عمري ومتحسر
لسه إمبارح كنت صغير
فجأة كبرت من الأحزان

[اللازمة]
عادي ما جتش عليكي خلاص
إبعدي عني وشوفي حالك
ده أنا متباع من أقرب ناس
يعني ما جتش على فراقك
من إمتى قلبك كان حساس؟
من إمتى حسيت بحنانك؟
كنت بحبك بس خلاص
أنا قلبي شال من أفعالك

[المقطع الرابع]
الناس اللي أنا بآمنهم
الغدر ما بيجيش غير منهم
حاسس بالغربة وأنا ما بينهم
والمفروض أقرب ناس
كلها على بعض بتكدب
علشان كده دايمًا بتجنب
من كدبكو ما بقتش أستعجب
إتعودت عليكو خلاص

[اللازمة]
عادي يا صاحبي خيانة الناس
عمرها يوم ما تموتك
عارف إيه أصعب إحساس؟
لما تخونك صحتك
فجأة تحس إن إنت خلاص
الدنيا عايزة تغفلك
وتبص تلقى أقرب ناس
مستنظرينلك وقعتك

[المقطع الخامس]
أنا عمري ما كنت أتصور
إن صحابي معايا تتغير
كله في نفسه صبح بيفكر
وأنا اللي كنت عبيط مش داري
في الوش بتبقوا حبايبي
وفي ضهري تطلعوا عين أهلي
ده إنتو ما حدش حبكو قدي
كرهتوني فيكو إجباري

[اللازمة]
يا إبني عصام صاصا الكروان
نمبر وان بلا منازع
كيمو الديب توزيعه إدمان
في التوزيع يا زميلي صايع
محمود سوستا كلامه كسبان
ده رقم واحد في الشارع
معاذ وليد وأبو طه إدارة
والمصري وغزالة في الطالع

[الخاتمة]
حصريًا على موقع مهرجانات دوت كوم