Eō Moloka’i

Moe mālie ‘o Halawa i ka la’i e
Hiluhilu Moa’ula i ka noe ‘oni e

Uluwehi ‘o Kamalō i ka Hina e
Me ka mo’o ke ali’i e hi’olani nei

[Hui]
Eō Moloka’i ku’u one hānau e
Ku’u ‘āina kulaiwi i aloha ‘ia e

Kāhiko ka ‘ohukolo i nā pali e
I ka makani Hō’e’ele ‘o Makanalua e

Waiho kāhelahela ‘o Ho’olehua e
Ka ‘āina ho’opulapula o nā kupuna e

[Hui]
Eō Moloka’i ku’u one hānau e
Ku’u ‘āina kulaiwi i aloha ‘ia e

Puana i ke mele no ku’u ‘āina e
Eō Moloka’i ke kama nui a Hina e

[Hui]
Eō Moloka’i ku’u one hānau e
Ku’u ‘āina kulaiwi i aloha ‘ia e