Elly Nefso Haksar Benefso - اللى نفسو هكسر بنفسو

[المقدمة: مصطفى الجن وهادي الصغير]
عايزينها صلصة؟ مش هتبقى خالصة
حطوا في دماغكو هبوظها
هفتح غزالتي وأقلبها بارتي
في الوش هخبط يا أغرزها
العبيط فاكر إني ناسيه
أو مسقط ومجليه
مش هحله، أنا مستنيه
الثبات يابا ع المسافات
ياو، أمجد الچوكر

[اللازمة: مصطفى الجن]
اللي نفسه هكسر بنفسه
مين جي منه في مرازية؟
ما نفعش أدبي في قلة أدبي
عندي إنفصام في الشخصية
مع أي حد، ما بشوفش حد
في عينيا كلها سواسية
أنا قلتهالكو وإنتو وخيالكو
سكينتي تلاشوها، مؤذية

[المقطع الأول: هادي الصغير]
إوعوا يوم تتغروا في شكلي
ربنا ما يوريكو مشاكلي
هلس، ولا تشربي ولا تاكلي
الرسالة مني لأخصامي
اللي يجي على سكة هحاسبه
وقتي في المكان اللي يناسبه
الشيطان واخد أخته، مناسبه
مش بشوف مخاليق قدامي

[اللازمة: مصطفى الجن]
عايزينها صلصة؟ مش هتبقى خالصة
حطوا في دماغكو هبوظها
هفتح غزالتي وأقلبها بارتي
في الوش هخبط يا أغرزها
قدامي بارت، ما أسرقش كارت
أنا نفسي عمري ما بغمزها
في دكن تجيبكم إنتو ونصيبكو
لو طولت جثة هميزها

[المقطع الثاني: هادي الصغير]
الشوربجي أرض الخطرين
إصحى يالا، تكرف على مين؟
فرحته جمعت الملايين
كريم الجمل ده أحلى عريس
أبو الشقايق ده أخ أخ
أما البواقي يابا بوم طخ
صابر الجمل ده عمره ما نخ
سندال ويصرف مع إبليس

[اللازمة: مصطفى الجن]
أخ أخ، مش بوم طخ
ع الحلوة والمُرة معايا
صاحبي وورقتي، من رنة وقتي
يحضر ويقلبها جناية
أنا مش باقيلي يابا غير زميلي
نو قرش، نو كيف، نو نتاية
هو الأساسي والباقي ملياسي
ولبعض من يومنا مراية

[المقطع الثالث: هادي الصغير]
كله كوم وزميلي كوم تاني
لأجله أموت ويموت علشاني
ع السليم يحضر في ثواني
عن عن ما بيكملش
لو معايا الكل إستندل
صاحبي يابا مظبوط، هيسندل
دغري صخر الجبل إتبدل
هو لأ، ما بيتبدلش

[اللازمة: مصطفى الجن]
يا إبن جيهتي ترشد عليا
وتملي عنواني وإسمي
هحسبها واحدة كده حسن نية
لأ، ده إنت كده مرشد رسمي
الضربة جت من أقرب ما ليا
من الخنقة أنا مقطع جسمي
لما اللي مني يعملها فيا
ع الدغري بقى ساب إيه لخصمي

[المقطع الرابع: هادي الصغير]
اللي صدفة في حتة هشوفه
هو بقى يا زميلي وظروفه
خصمي فاحت ريحة خوفه
آخره يتخطر في حالات
العبيط فاكر إني ناسيه
أو مسقط ومجليه
مش هحله، أنا مستنيه
الثبات يابا ع المسافات

[اللازمة: مصطفى الجن]
من عينيكو قاطع عليكو
كاشح اللي بيدور في النية
بتبوسوني وبتحضنوني
وفي ضهري بتقطعوا فيا
عينكو في حياتي وفي تليفوناتي
وعلى الهدوم والعربية
مش طالبة عينكم الله يعينكو
ليه في كل حاجة باصين ليا؟

[المقطع الخامس: هادي الصغير]
شفتني بيتغير شكلك
بستفزك أوي وأضحكلك
كاشح إنها مني بتاكلك
ده إنت بالإكراه بتسلم
بيا معجب في المتداري
بس بتحور وتداري
والنبي ما تعملش مشاري
وإنت الشيطان منك يتعلم

[الخاتمة: هادي الصغير]
أنا من الشوربجي بالتحديد
أنا منطقتي كوبري الحديد
الفرحة حلوة، الناس بتزيد
كريم الجمل إخواته كتير
صابر الجمل اللي بيندبه
في وسط جيهته يروح يضربه
كباشة الجمل أزميلي شبشبه
شرف يابا صغير وكبير
ولا فرد ياكل ولا خرطوش
لو جيش قصاده ما يعتمدوش
خلودة الجمل ما يشغلهوش
ما فيش بطل بيكحل عينه
عبد الله بيسكو بجد واحشنا
يا سجن بس ليه عنه حايشنا؟
حماصة توب، أما الباقي شيشنة
وبرة جوة الناس هايبينه
شيلفو يا زميلي على مبدأه
راجل جدع، الناس تعشقه
إنتو يالا بالنكش إبدأوا
عشان كبيركم دغري نهينه