El Waat Byesraana - الوقت بيسرقنا

[كلمات أغنية "الوقت بيسرقنا" دنيا سمير غانم]

[المقطع الأول]
بنعيش والوقت بيسرقنا
وبنمشي ونسرح في طريقنا
والأيام اللي بتجمعنا
ممكن في ثواني تفرقنا
ساعات الدنيا بتلهينا
عن أغلى وأقرب ناس لينا
وفي يوم عمرنا ما بنتمناه
نلاقيهم ما بقوش حوالينا

[اللازمة]
ما بنحسش بقيمة الحاجة إلا لما تروح
وكان في صوت بيصرخ فينا وإحنا ما بنسمعش
ونندم ع اللي ضاعوا وراحوا وقلبنا مجروح
ياريت الوقت يرجع بينا، بس ما بيرجعش
زمان كانوا هنا بينا وحوالينا واللقا مسموح
ودلوقتي ومهما بكينا اللقا ما ينفعش

[المقطع الثاني]
قرب من كل اللي حاببهم
شيل عنهم خوفهم وتعبهم
يمكن يسيبوك هما الأول
أو يمكن إنت اللي تسيبهم
على قد ما تقدر فرحهم
بصلهم وإحفظ ملامحهم
هيجيلك يوم فيه تتمنى
لو حتى في نومك تلمحهم