El Wa7sh Men Tany 3al Asfalt - الوحش من تانى ع الاسفلت

[المقدمة: مصطفى الجن وهادي الصغير]
ما ياكلش هنا ألماني ولا موتة
ولا عشري ولا هيما ولا زرزور
إندهلي، شباك بيتي مفتوح
وأنا بيتي مش محتاج تركبله
إسمع ياه، الكلام على إستعداد
عشان اللقاء مالوش ميعاد
وكتاب التاريخ بيقول إذا حضر قلاظة
فأعلم أن ليس للشيطان وجود
ياو، أمجد الچوكر

[المقطع الأول: مصطفى الجن]
الوحش من تاني ع الأسفلت
كل اللي جي عذاب ودمار
أنا مش هجلي ولا أسرق كارت
أنا جي أحل بضرب النار
أخباركو كات بتجيلي من جوة
وكنت سامع إنكو سايقينها
طب يلا يا حبيبي إنت وهو
كل القرود ترجع أماكنها

[المقطع الثاني: هادي الصغير]
أنا كنت هفتح صفحة جديدة
لحياتي، مش ليكو يا قمامير
الصفحة سودا وهتقلب بيضا
ما خلاص نويت أبطل تعوير
فلقيتكو بتلقحوا في حديدة
وبتمسكو سلاح للتصوير
هزنقكو برة في حتة بعيدة
ونشوف ساعتها مين اللي عويل

[المقطع الثالث: مصطفى الجن]
سألت عن شارع الجمعية؟
ولا إنت يالا جي على عماك؟
في بوابة بولاق العمومية
تدخل نصيبك يستناك
مين ع الخريطة يا زميلي بيهمه؟
ده برة جوة ما بيجليش
ستوب عند قلاظة الدينامو
ممنوع هنا الكدب يا ألاضيش

[المقطع الرابع: هادي الصغير]
ما بشخش أنا على إيد مجروح
مين نفسه فيا وأنا أنزل أقابله؟
إندهلي، شباك بيتي مفتوح
وأنا بيتي مش محتاج تركبله
الكرف قدامي مش مسموح
هنا اللي يكرف وقتي أسحبله
لو حد فيكم عنده طموح
المطوة تطلع تتركبله

[المقطع الخامس: مصطفى الجن]
لو فيكو حد أتشكر فيه
مش أعز عنه تلات خبطات
كل البلد عارفاكو على إيه
هيقولوا ليه بتيجي مع خواجات
أنا قلتهالكو وقولي صريح
إبعدوا عني عشان مجنون
دم الخصوم بشربه تفاريح
من وإنتو بتشاهدوا سبيستون

[المقطع السادس: هادي الصغير]
ما أغمزش نفسي ولا أسرق كارت
ولا ليا في التفخيد والجس
قدامي بطل كدب وظرط
حذاري لأمك أسمع حس
بلاش معايا لغة الكارفين
كرفت خليك قد كلامك
جابيماش، كيميريكا وكومبانتين
أنا ما بياكلش معايا برشامك

[المقطع السابع: مصطفى الجن]
الفهد أسرع من الدبور
والسبقانة دي معروفة كسبانة
حبة لباوي كارفة على نمور
ع الدغري بوظتوا الشغلانة
طلعت برة وشفت النور
لقيتها دايرة أزمالة سلخانة
كل العيال فاكرة المحمول
سلاح جامد وبيضرب دانة

[المقطع الثامن: هادي الصغير]
إوعي تقوليلي أنا أول واحد
يمسكي إيدي وباقي أعضائي
طب ده إنتي رقمك مع كذا واحد
إوعاكي تفتكريني فضائي
آخرك معايا ساعتين في الشقة
مش دبلة ولا محبس وخطوبة
لو جيتي تاني هقولك لأ
مش هركب أنا في حاجات مركوبة

[المقطع التاسع: مصطفى الجن]
يا اللي الحريم صبحت بتسوقك
شوفلك طريق غير اللي أنا فيه
إنت النجاسة جريت في عروقك
وشايله على كتفك ماشي بيه
يا أخي ألف إخص حقيقي على ذوقك
دي بتيجي بإزازتين كي چي بي
يا عم خالصة وسهلة، بشوقك
تخسر زميلك علشان دي؟

[الخاتمة: مصطفى الجن]
قلاظة الدينامو ما يشغلهوش
بايع القضية ومش فارقاله
خنجر أوكابي، كزلك، خرطوش
يدوي، بسلاح يابا ظابط حاله
فن الجروح معروف تخصيصه
مين بس جاله على سكة وعاش؟
ممنوع تخصم إسلام بيسو
بيسكن الأخصام إنعاش
يا زميلي لو على موتك ناوي
فكر دقيقة تنكش وتجس
مين ده اللي يشغل ظاظا الحاوي؟
ما أسمعش يوم لعويل هنا حس
مسا من قلاظة مبعوت للحملة
بيقول أخويا لازم يتميز
عم البلد يالا مصطفى نملة
راجل جدع، مظبوط وكويس
يا عم جيلك إنت البيج بوس
وبرة جوة الناس حباك
الوحش يعني حسين النص
ربك يا أخويا يسترها معاك
تكرف قصاده تاخد كام خبطة
ده بيدي ملو، ما بيهوش
تتحط يوم مع خالد قطة
هيسيب علامة على طول في الوش
ما ياكلش هنا ألماني ولا موتة
ولا عشري ولا هيما ولا زرزور
ده عم جيله معروف سفروتة
خصمته مش هتشوف النور
دغري، في أي مكان بيسندل
دود إتصيت بالأفعال
محمود دنجل وحش المشتل
فوق للي بقوله يا خال
أنا لو حد ذكائه يوم خانه
تتحرم على أمه العيشة
السيطرة يعني عمر مانو
والمظبوط ده محمد فيشة
جن البلد الساحة كانيسها
وهادي بيحضر بيولعها
تاكسلو كتبها وأسسها
وأمجد سجلها ووزعها