El Shoghla 3adet El Awanta - الشغله عدت الاونطه

[المقدمة]
أيوة، ولا، لو فاتتك الفاتحة إبقى إقرا الفاتحة
وهو خالد السويسي بيقول لمصطفى البيچو
فكك منهم، دول عيال هلي وإحنا أبطال
والحريم صعبة المنال
إبعتهاله في وشه يا فيجو يا دخلاوي
فيجو الدخلاوي

[اللازمة]
الشغلة عدت الأونطة
والمجتمع أصبح في ورطة
يا تعملك قرشين وتلحق
يا تتفقر، الدنيا غلطة
بس اللي جي بوسي بوسي
ما فيش معايا غير فلوسي
من كتر ما عطيكو خوانة
بقيت ماشيلكو بفرد روسي

[المقطع الأول]
أسد، بس طالع عينه من الحسد
ما هو من عيون كله بيتقصد
شاف الخيانة من أهله فبعد
كان شبل لا يذكر
سحب وضرب وطبعًا برضه إتضرب
بس خلال تجربته إكتسب
إنه يعيشها قليل الأدب
أحسن ما يتكسر

[اللازمة]
صدر قرار يا نص إن
أرض البيطاش دي أحلى جنة
فيها ياسر بيه السعداوي البطل
والباشا عنده أحلى فرح
وزير الحنية الخطر
خالد السويسي العجماوي
ومصطفى بيچو المستشار
فرحان لياسر بيه السعداوي
(فرحان لياسر بيه السعداوي)

[المقطع الثاني]
غلط تبقى أخويا وتحسبلي الغلط
زعلتني وخلتني أتجلط
لو حد غيرك كان إتنكت
روح، ربنا يسامحك
وجع جوايا، أصلًا أخويا مش جدع
محروم وشاف قرشين إتصرع
ليه يا صاحبي فيك خلتني أتخدع؟
بينت ليه قسوتك؟

[اللازمة]
يا تاجر السعادة شوفني
ما فيش عندك ضحكة تناسبني؟
راح قالي إنت لأ يا إبني
تاجر الحزن يزعل مني
قلت وتاجر الحزن ماله؟
قالي إنت كده توقف حاله
إنت أحسن زبون بيعامله
إنت رزقه ورزق عياله

[المقطع الثالث]
إحنا جدعان ومش لاقيين جدعنة
دورنا ياما، مش لاقيين هنا
بنحب ناس مش بتحبنا
بيتمنولنا الشر
هنسيبهم لحد ما الشوق تاني يجيبهم
ولما يرجعوا هنندمهم
وهنعاملهم بمعاملتهم
كلام بكلمة سر

[فاصل]
آآ، ما تجيبي إيدك يا عروستي

[اللازمة]
يا بختي بيكي يا عروستي
كتير عليا إنتي يا قلبي
يا اللي إنتي برجك الجوزاء
أنا بحبك منذ صغري
ما شاء الله عليكي، ملكة
تحسي إنك من أميركا
إمشي إدلعي على حسي
هحبسلك اللي يجي ع السكة

[المقطع الرابع]
رزم خلت صحابي يبوسوا الجزم
وإشتغلوا عندي برتبة خدم
وأما إتفقرت وقرشي إتعدم
بطلوا يتصلوا
شافوا صورة فيها بت فورتيكا وقمورة
إتصلوا قالوا ‫"فينك يا رجولة؟"
كان رد فعلي بكل سهولة
مين إنتو؟ فإتفاجئوا

[اللازمة]
معلش، إنتو مش زميلي
اللي وأنا زعلان بيجيلي
وبيمشي من عندي مصدع
أصلي وبحكيله وبيحكيلي
ما شفتش منه غير شهامة
خيره عليا، جمايله ياما
يا صاحبي إنت كل حاجة
إنت مصدر الإبتسامة

[المقطع الخامس]
يا بجم ما تلف وشك
يا بجم ما تلف وشك، هاخد الرقم
البت من الصبح بتبتسم
خايفة تبص لا تاخد قلم
في الخبث بتسستم
ما تقوم، خليني أترجم، مشي اليوم
البت مش شايلاني من الزوم
جواها في كلام ياما مكتوم
نفسها تترجم

[اللازمة]
أسد الداخلية البطل
أسد دايرة مينا البصل
ياسر بيه السعداوي الچنتل
يوم فرحتك أحسن خبر
كل إخواتك هيفرحولك
من كل بلد ناس هيجولك
الليلة فرحة مليونية
إخواتك ياما، مش بطولك
(إخواتك ياما، مش بطولك)

[الخاتمة]
وزير الحنية الرشاش
السويسي كبير البيطاش
خالد السويسي لو في ڤيينا
بيمشي كل اللي ما يسواش
مصطفى بيچو كبير مقام
مصطفى بيچو الإحترام
مصطفى بيچو المستشار
بيچو مخلص أي كلام
يوسف سعداوي إبن الأكابر
ناجح عشان كافح وعاصر
يونس سعداوي أخو العريس
يونس ده آخر البشاير
التيتا سعداوي الإدارة
ده رقم واحد بجدارة
عيلة سعداوي البيت الأبيض
طلخاوية فارضين سيطرة
أخويا محمود العوامي
عمره ما كان شاغلاه أسامي
محمود العوامي المسيطر
وأنا واثق أوي في كلامي