El Seka Shemal Fe Shemal - السكة شمال في شمال

[المقدمة]
يا ليلي يا، يا، يا ليل

[المقطع الأول]
السكة شمال في شمال واليمين إختفى
لفت بينا الأيام، خدنا أجدع قفا
إمشيها مظبوط تاخد أكبر خازوق
إمشيها معوج يرفعوك لفوق
إوعاك تسأل لماذا أو من أين لك هذا
خدلك چوب وإزازة وإبعد عن السياسة
نام وبلاش غلاسة
دي مواضيع صعبة وحساسة
وإنت مالكش عازة
آخرك دمعة وجنازة

[اللازمة]
الواطي بقى عالي والرخيص بقى غالي
وإحنا كده من تاني ملناش مكان
وهفضل أغني تاني وأعيد في كلامي
السكة قدامي شمال في شمال
الواطي بقى عالي والرخيص بقى غالي
وإحنا كده من تاني ملناش مكان
وهفضل أغني تاني وأعيد في كلامي
السكة قدامي شمال في شمال

[فاصل جيتار]

[المقطع الثاني]
ناس سارقينا وعاملين منا
اللي صابغ شعره واللي عاملة حنة
عواجيز وسايقنا، في الحيطة ملبسينا
موتور خربان من غير منافلة
لو إنت غلوبة هتشيل فيها قبة
حقوقك إشطبها، إوعاك تطلبها
إمشي جنب الحيطة وإوعاك تعمل زيطة
إحفر حفرة غويطة وإدفن راسك فيها

[اللازمة]
الواطي بقى عالي والرخيص بقى غالي
وإحنا كده من تاني ملناش مكان
وهفضل أغني تاني وأعيد في كلامي
السكة قدامي شمال في شمال
الواطي بقى عالي والرخيص بقى غالي
وإحنا كده من تاني ملناش مكان
وهفضل أغني تاني وأعيد في كلامي
السكة قدامي شمال في شمال

[فاصل]

[اللازمة]
الواطي بقى عالي والرخيص بقى غالي
وإحنا كده من تاني ملناش مكان
وهفضل أغني تاني وأعيد في كلامي
السكة قدامي شمال في شمال
الواطي بقى عالي والرخيص بقى غالي
وإحنا كده من تاني ملناش مكان
وهفضل أغني تاني وأعيد في كلامي
السكة قدامي شمال في شمال
الواطي بقى عالي والرخيص بقى غالي
وإحنا كده من تاني ملناش مكان
وهفضل أغني تاني وأعيد في كلامي
السكة قدامي شمال في شمال