El Safena Wel Shera3 - السفينة والشراع

[مقدمة]
[؟]

[المقطع]
إيه الفايدة أكون أمير في الظلام؟
أو إني أعيش باقية حياتي عشان ألم في الحطام
أو إن الفكرة تبقى الناس أفكارها بتلهم الشيطان
كلام ما بين أربع حيطان
تخاف تتكلم القضبان
تخاف تتكلم أو تعبر، كاشش من الناس، موبر
رب هنا رب هناك
بإذنه كل شيء متدبر
بس الفكرة إن الإنسان بيطمع، كرشه عايز الأكتر
يعني زي ما تكون في ساقية بس روحت لساقية أكبر
وبعدين؟ ربنا يبعد عنّا العين والدين
غيرك مش لاقي ع السطح، إحمِد ربك ع الأوضتين
كنا فين، بقينا فين
في الحالتين هنام بالليل
كنت وزير أو غفير أو كنت بالإتنين
مادد إيديا مركز في الأيام الجاية
بعد ربي أنا بطولي، مش محتاج تشيل عليا
تيجي سكة، أديك عينيا
بقفل لو مش مستريح
تاعب نفسك بيا ليه؟
مش ناقصاك، يا عم ريح
طيب، سيبها على دماغي، دماغي في الصراع
زي سفينة والشراع
طفل جوة مِنّي ضاع
لو بتحط في أي عالم
سهلة أتأقلم ع الأوضاع
سهلة أغير أي حاجة إلّا لو كانت طباع
كلام م القلب ‫‫Direct
عالمايك والـ [؟]
أنا، أنا جوا ورشة، جوا قصر، جوا ‫Camp، جوا عالم
جوا غابة مش بخاف قد الذنب
اللي عنده أي حاجة مش أهم من الدم
سيبني أفنن، مش بتمن كلمة منك، مش هتكلم
مش هسلم حاجة كبرت جوا مني عشان أكمل
مش مهم مين مهم
مش محتاج أروح وأدلدل
مش محتاج أقوم وأهلل
باين ده ‫‫Happy م المخلل، باين
إني أحب ولا أدين ولا أتداين ‫‫Option رقم واحد
ما ليش دعوة بالبدايل
منتمي للمجتمع كإنسان في القبايل
رفعت كل حاجة إلا إني أرفع أرايل

[خاتمة]
أهلًا بكم معنا في إذاعة القاهرة، الحادية عشرة
في إذاعة جمهورية مصر العربية
من القاهرة
سيداتي وسادتي، السلام عليكم، نحييكم ونقدم لكم فقرتنا الإخبارية الخامسة لهذا اليوم
نبدأها بنشرة الأخبار