EL mima

[المقطع الأول]
بان بلي ما كان والو ، يـــا مَّــا
الشعب مسحـــولو فمّو ، يـــا مَّــا
ياو حيّي من ذاك الوقت ، يـــا مَّــا
ياو حيّي من وقت الشادلي ، يـــا مَّــا
وقت الكافي دخل العاصمة ، يـــا مَّــا
وقت لي ريبوا فيها الحامّة ، يـــا مَّــا
يـــا مَّــا coup d’état إيه يا واعدي الـ
إيه يا وعدي الحالة مريضة ، يـــا مَّــا
آو يامات التوسويس ، يـــا مَّــا
أطلع للجبل و لّا تولّي بوليس ، يـــا مَّــا
إيه ياو أيامات الكيّة ، يـــا مَّــا
يا الحلة الحقرة و البيا ، يـــا مَّــا
يحقروا في عباد ضعاف و نية ، يـــا مَّــا
كيما أنا كيما أنت ، يـــا مَّــا

[اللازمة] (x2)
يا أدعي يا لمّيمة ، السماء تصحى من الغيمة
لبلاد ترفد بالقيمة أدعي يا لمّيمة

[المقطع الثاني]
عاصمي ، و العاصمة ماتوا فيها شهداء بزّاف
Attentat ماتوا قبل ما يذكروا الشهادة
الناتو ولا حقارة ، تحقر في الشعب عيناني
واش راو صاري في البلاد بالعاني
على جال الغاز و البترول ، كتر الغول
الشعب مزطول و نص مقتول
زادوا زدموا عباد ما عرفناهم منين
يدّعاو بالسّنة و الدين
نص يقولوا دولة و نص يقولوا أفغان
منشعين ، مسلحين ، بالمحشوشة و السكاكين
و الشعب ما عرف الضربة جاية منين
كيما بزّاف من ناس رشاو في الحباس
ولّا كلاهم النحاس ، الله يرحم معطوب الونّاس

[اللازمة] (x2)
يا أدعي يا لمّيمة ، السماء تصحى من الغيمة
لبلاد ترفد بالقيمة أدعي يا لمّيمة

[المقطع الثالث]
البلاد ماتوا عليها رجال ، يـــا مَّــا
تاوعنا داخلينها نش و تنهال ، يـــا مَّــا
تاوعنا داخلينها نش و تغوال ، يـــا مَّــا
الكريدي على ظهر الغاشي ، يـــا مَّــا
آ وعدي لا.فا.مي تسال ، يـــا مَّــا
يا ناس لازم ثورة لازم استقلال ، يـــا مَّــا
لازم الشعب يتهدّب ، يـــا مَّــا
لازم يفطن و يصحى ، يـــا مَّــا
لازم يتربّى و يقرا ، يـــا مَّــا
إيــي لازملنا سلام ، ، يـــا مَّــا
إيــي سلامة سلامو ، يـــا مَّــا
سلامة عالديمقراطية ، يـــا مَّــا
سلامة عالحرية ، يـــا مَّــا
سلامة على صحاب الكية ، يـــا مَّــا
سلامة على صحاب النية ، يـــا مَّــا
إيه سلامة سلامو ، يـــا مَّــا

[اللازمة] (x2)
يا أدعي يا لمّيمة ، السماء تصحى من الغيمة
لبلاد ترفد بالقيمة أدعي يا لمّيمة