El Khyana Ekhtra3 (Hesy Enty Bt2sy w Tensy) - الخيانة اختراع (حسي انتي بتقسي وتنسي)

[المقدمة: كريم كريستيانو]
حصريًا على موقع مهرجانات دوت كوم
نفسيتي صفر المية وبخبط في الدنيا
أنا أطيب واحد وسط الكائنات البشرية
ملعون أم الحنية اللي تجرأكو عليا
خالصة وتتساوى، قساوة بقساوة يا غلاوية
عازف أورج يوسف أوشا

[اللازمة: كريم كريستيانو]
نفسيتي صفر المية وبخبط في الدنيا
أنا أطيب واحد وسط الكائنات البشرية
ملعون أم الحنية اللي تجرأكو عليا
خالصة وتتساوى، قساوة بقساوة يا غلاوية

[المقطع الأول: إسلام كابونجا]
هي الخيانة إختراع؟
المؤدب دلوقتي صاع
عايشين في معركة وصراع
حرب لأجل الحرية
نمشي يمين ونقول حلال
الطارة تقوم تحود شمال
الحال على أي إحتمال
جاضض خالص من الدنيا

[اللازمة: كريم كريستيانو]
إنتو وجودكم جنبي ده كان كاتم على نفسي
إنزاح وإرتاح قلبي من الهم ولقيت نفسي
قررت أتعامل بمعاملتكم من دلوقتي
أنا لما عملتكو بمعاملتي رخصت قيمتي

[المقطع الثاني: إسلام كابونجا]
خسارة فيكم السلام
السلام معاكم خصام
إنتو مش بفة، إنتم أخصام
الغدر فيكو أكبر ميزة
ما تجوش معايا، مش هتجيبكو
بتنسوا نفسكو وتاعبكو
في المصلحة ببقى حبيبكو
وما باخدش غير الأذى

[اللازمة: كريم كريستيانو]
إبراهيم عبد النبي كلها عارفاه وبتهيب حضرته
يعني اللي ذكائه هيخونه هيهينه لو جه في سكته
وحسين عبد النبي ده تقيل ع الأرض، خفيف ع القلب
محبوب، لكن في عراكه متلقب مجرم حرب
الناس للناس وأنا شخص خلاص فقد الأمل
أنا قلبي كان وردة في بستان، بس إتقتل
لو جبتلي سيرة الحب هتلاقي مودي إتقفل
الشوق والغيرة والخوف بيقضوا على الحمل

[المقطع الثالث: إسلام كابونجا]
هخبط دراعي جرارين
وأجيب شريان ووترين
ومش هخيط غرزتين
هاجي على نفسي بنفسي
كله بيلف وبيدور
ما حدش جي على طول
من الآخر مش ماشية أصول
ع الجاحد وعلى المؤذي

[اللازمة: كريم كريستيانو]
حسي، إنتي بتأذي وتنسي وبتجرحي مشاعري
كنت فاكرك غالية وأنا أتاريني برخص سعري
شفتي خيري كله، إبعدي بقى عني وإتقي شري
لو شفتي أمان من بعدي تعالي إرقصي على قبري

[المقطع الرابع: إسلام كابونجا]
أحبك إيه؟ ده كان زمان
فاكرة لما إديتك أمان؟
كنتي مذاكرالي الكلام
صياد وقع جوة شبكتك
صحيح، إنتي لو فيكي خير
كنتيش فلتي من إتنين
موضوع رجوعنا مستحيل
إمشي يا ريت بكرامتك

[اللازمة: كريم كريستيانو وإسلام كابونجا]
فينك يا زميلي؟ معايا حكاية، أخوك محتاجلك
إديني ربعاية يا أخويا وجايلك أموت من أجلك
أخصامي جمعوا بعضيهم والتيار عالي يا أسطى
مش هغمز نفسي وأخش العركة وآكل الأونطة

[المقطع الخامس: إسلام كابونجا وكريم كريستيانو]
يا صاحبي فينك؟ أنا جيت
إنزلي، واقف تحت البيت
فين العيال الهلافيت؟
اللي مزعلينك يابا
سمعوا إنك إنت جي طاروا
وكله قدم إعتذاره
يا غزال إنت اللي أموت عشانه
وإنت في قلبي يا دبابة

[الخاتمة: كريم كريستيانو]
البابا اللي مالوش بابا، حسام رشدي ما فيش غيره
بحيرة جدعنة واللي نزلها بيغرق من خيره
عمكو ده حسين عبد النبي، إسمه بيحرق دمكو
علشان في حضوره بيهمشكو ويسند ضهركو
أحمد عبد النبي دبابة وعايشها بإسمه
وتوتو الأجنبي ده جدع أوي أوي، كلها بتحبه
مصارع دايرته وبطل حتته معروف يابا دشمة
خابط كام خصم وجوة وشوشهم سايب بصمة