El Hob Saqafa - الحب ثقافة

[المقدمة]
الحب ثقافة مش أباحة، ليه فاكرينه عيب؟
ربيتوا الكبت والجهل في العقل، الحل إيه؟
مافيش خيار غير إنفجار المفاعل المنوي
الحب ثقافة مش أباحة، ليه فاكرينه عيب؟
ربيتوا الكبت والجهل في العقل، الحل إيه؟
مافيش خيار غير إنفجار المفاعل المنوي

[المقطع الأول: عمر بوفلوط]
أنا كل ما أقابل بت أهلها يطلعوا زفت
يطلبوا ألفات وأنا مش فيفتي سنت
الخطوبة تتفسخ، أروح أتفشخ
أفتكر دون جون، أقلده وأتبسط
شحنت خلاص، فضيت
ذهني بقي صافي ،غيرت زيت
ففوق وبدأت أتعامل من جديد
ماسك نفسي بس أصلاً هبيض
فتبتدي العادة عند سن البلوغ
لما تفرق الولاد والبنات في الفصول
الممنوع مرغوب لو السبب مجهول
الكبت بيخلي عندهم فضول
ع النت بيدور ويبحث، يتفرج ويشوف
فاكر إن هي دي الأصول
يبتدي يتعلم من الكلام المنقول
وكل واحد على مزاجه بيقول
كله يا وليد، كله كله يا وليد
هو ده اللي في دماغكم أكيد
أنا ركبي حديد، أنا البحر لما بيهج
محروم أو زاني، عاصي أو جاني
بفك حرماني بأسلوب ذاتي
ضميري أنبني أحس بالذنب
نفسي أشيل الماضي ع جنب
طب أتجوز من برة عشان في فرق
الفرق إن أهلها مش عايزين الحرق
مالهمش دعوة بيك ولا حتى بدينك
مافيش قيود، مافيش حد بيدينك
جواز ببلاش، لا أحسن بلاش
حياتنا دي أصلاً دي عايزة مونتاج
مافيش تحكم في العقل الباطن
أسيب نفسي، لأ مش ضامن
مافيش منوي، مافيش كبت
مافيش ممنوع، مافيش حرمان
مافيش عيب، مافيش خبرة
في مشاكل وفي جهل

[اللازمة: شاهين]
طب العيب فين؟ فيكوا إنتوا
ربيتوا الكبت بينكوا
وديتوا العلم فين؟
خليتوا الجهل سيدكوا
هي دي ثقافتكوا
خليتوا الحب عيب
إنتوا اللي فجرتوا المفاعل المنوي
طب العيب فين؟ فيكوا إنتوا
ربيتوا الكبت بينكوا
وديتوا العلم فين؟
خليتوا الجهل سيدكوا
هي دي ثقافتكوا
خليتوا الحب عيب
إنتوا اللي فجرتوا المفاعل المنوي

[المقطع الثاني: سادات العالمي]
فساتين في الفتارين والمانيكان شكله مغري
شوفت المنظر من بعيد، طلعت أجري دغري
المنظر سيطر عليا، بقى واخد كل بالي
لو مش شايف ع الطبيعة الصورة محفورة في خيالي
الجنس بقى خندق الكل مرمي فيه
إتفرج على الشارع والتليفزيون واللي فيه
العيب مش في العين، العيب في العقل اللي غايب
لما يسيطر عليك ممكن ترتكب مصايب
حيرة العقول خلاص بقت ظاهرة
كل حاجة بقت عيب بس العيب بيحصل في الدرا
غريزة فطرية بس الكل بينساها
دي زي المية والهوا، دي أساس الحياة
ماشي ولا قاعد، هو على طول واقف
بيصرخ من التعب وبيخليك كده خايف
خايف من مواجهة أول تجربة
كل ما يفكر في الموضوع بيجيله في مخه كهربا

[المقطع الثالث: شاهين]
نزلت أتفرج على الشارع
براقب الناس وأنا على القهوة
بلاحظ أفكر أتخيل
أتمني نقضي على الكبوة
كل الناس (كله) كل الشباب والبنات جاتلهم عدوي (كله)
كله بيحاول يشبع الشهوة
بدون جدوى فتوسع الفجوة (بلوة)
عندي وعندك، عندها وعندك
عندنا في دينا ومجتمعنا وبيتنا
عاداتنا وتقاليدنا بتقيدنا
كل حاجة عيب والناس بتحبطنا
فروحت على طول ع البيت
دخلت الحمام وفضيت
الكبت اللي عندي، المفاعل المنوي
عمال يتشحن والضغط بيزيد
بطولي أنا محروم أو زاني
عاصي كنت أو جاني
قاعد أفك حرماني
لوحدي بأسلوب ذاتي
مش بحاكم نفسي ولا أتحكم في نفسي
علشان أنا نفسي
أنا نفسي أخوض التجربة
نفسي أدوق الإحساس
نفسي أعمل زي الناس
بس أنا غير كل الشعوب والأجناس
هنا يعتبروني من الأنجاس
بما إني إنسان فلي قوة تحمل
غصب عني في حالة من التهور
الكبت بيخليني بتحول
في الصين بيعالجوا الموضوع بالتأمل
عند الغرب بيعالجوه بالتعلم
عند العرب بيعالجوه بالتكتم
مافيش ضحية، مافيش جاني
مافيش قضية، مافيش مفاعل
مافيش منوي، مافيش كبت
مافيش ممنوع، مافيش حرمان
مافيش عيب، مافيش خبرة
لكن في مشاكل، في جهل

[اللازمة: شاهين]
طب العيب فين فيكوا إنتوا
ربيتوا الكبت بينكوا وديتوا العلم فين
خليتوا الجهل سيدكوا هي دي ثقافتكوا
خليتوا الحب عيب
إنتوا اللي فجرتوا المفاعل المنوي
طب العيب فين فيكوا إنتوا
ربيتوا الكبت بينكوا وديتوا العلم فين
خليتوا الجهل سيدكوا هي دي ثقافتكوا
خليتوا الحب عيب
إنتوا اللي فجرتوا المفاعل المنوي