El Gabr Byegy B3d El Sabr (Kaser El Qawanin) - الجبر بيجى بعد الصبر (كاسر القوانين)

[المقدمة]
حصريًا على موقع مهرجانات دوت كوم
عين، عيني، ليلي، يا عين
ليل، ليل، يا عيني، يا ليل
عيني، يا ليل، يا عيني، يا ليل
يا ليل، يا ليلي
دوشة وحوارات، شغل مطاردات
وبعيد عن بيتي وأهلي
على حالي زعلان وبنام قلقان
والموت عمال يندهلي
عازف أورج يوسف أوشا

[المقطع الأول]
دنيا مخبطة وعيشة ملخبطة
ما بتمشيش على كيف حد
ناس متورطة، ناس متمرمطة
ناس من الشقا حيلها إتهد
أنا شاب بسيط ماشي جنب الحيط
في طريق الشر إتشد
بصيت ولقيت نفسي إتحطيت
في طريق آخرته حيطة سد

[اللازمة]
عشت طيب إتهمشت
صيعت، ضيعت وإتكلبشت
ولبست في حيطة وخيشت
ضيعت نفسي
بوظت، في الخطر أنا دوست
شفت الموت بعيني ومت
طباخ السموم، ياما دقت
دمرت جسمي

[المقطع الثاني]
كاسر القوانين، ما مشيتش يمين
مش بمزاجي ولا إرادتي
بس اللي أنا عشته وشفته
ده خلاني أخرج عن سيطرتي
على نفسي أنا جيت ولبست في حيط
ويا نفسي إنتي إتدمرتي
دلوقتي فهمت وآديني ندمت
على اللي أنا فيه دلوقتي
في بداية الشغلة المادة السهلة
يابا زغللت عيني
قلت دي تفاريحي، ما دريتش بروحي
وشيطاني عمال يغريني
كبر الموضوع، طريق الممنوع
قدامي عمال يناديني
سوحني شيطاني، في الشر رماني
ولا حد قدر يعاديني

[اللازمة]
مسجون بالحياة ومدفون
ملعون، السجن ده ملعون
طول ما ربنا في العون
هتروق وتحلى
كلابوش قافل على إيد وحوش
ناس جدعان، ما يستاهلوش
فرجه قريب، ما تقلقوش
هتعدي الرحلة

[المقطع الثالث]
يا حديد يا عنيد، ولا فرح وعيد
طول ما زميلي في زنزانة
ده فاروق أبو مالك الراجل السالك
إمتى هيبقى معانا؟
بولاق الدكرور كلها بتقول
هانت وتكون ويانا
يا فاروق يا أبو مالك، الناس كلها
والله عليك زعلانة
ضيعت شبابي، غيرت صحابي
ومشيت مع ناس مش شكلي
إتقلب الحال ومشيتها شمال
كترت حواراتي ومشاكلي
دوشة وحوارات، شغل مطاردات
وبعيد عن بيتي وأهلي
على حالي زعلان وبنام قلقان
والموت عمال يندهلي

[اللازمة]
هم، همي ولا يتلم
خنقة وويل وحرقة دم
مين كان بيا مرة إهتم؟
أو همه حالي؟
مين طمني وأنا حزين؟
مين سالك؟ ما فيش سالكين
طز، ده كلكم خاينين
ولا فيكو غالي

[المقطع الرابع]
يا حبيبتي أنا لسه في نفس القصة
برغم إني بعيد عنك
والله على عيني إنك تسيبيني
وأنا لسه بجد بحبك
لو كان بإيديا أشيلك في عينيا
وأكمل دنيتي جنبك
بس أعمل إيه؟ قدري وراضي بيه
والله هموت وأرجعلك
فترة وهتعدي وترجعي جنبي
يا أوفى وأغلى ما ليا
البعد قتلني، اللي مزعلني
إنك متعلقة بيا
صورك كلها جوايا شلتها
وتملي قدام عينيا
مستني اللحظة اللي هنرجع فيها
وترجعي تاني ليا

[اللازمة]
الجبر بيجي بعد الصبر
بس الناس تبطل نبر
ده الميت بيكون في القبر
ويجيبوا سيرته
ناس عينها فيها أمواس
ناس لا دم ولا إحساس
ناس عبوا الخيانة في أكياس
بالعشرة غدروا

[المقطع الخامس]
السجن حايشنا وأخونا واحشنا
فاروق أبو مالك الغالي
دعواتكو معانا يرجع ويانا
وينور بيته من تاني
بولاق الدكرور فيها إمبراطور
ده فاروق أبو مالك يابا
مالك العسلية باعتله تحية
واحشني يا قلب بابا
إفهم يا مجال، معروف الغزال
ده كريستيانو أساسها
يوسف أوشا ده وحش التوزيع
عم الشغلانة ورئيسها
سوستا الحراق أي ترندات
هو يابا اللي مأسسها
محمود يحيى وحسن الديزل
وغزالة والمصري المافيا

[الخاتمة]
حصريًا على موقع مهرجانات دوت كوم