El Baka Baka - الباكا باكا

[المقدمة]
البكا بكا بكا بكا بكا بكابورت
صبرت كتير وعمري ما نولت
عايش في القاع وجاني صداع
عايش في القاع و جاني صداع
وكل يوم تزيد الاوجاع في البكا بكابورت

[المقطع الاول]
نصبوا علينا في حياتنا
ولخصوا كل حكاياتنا
انا كنت شاب جميل وكيوت
لحد ما خدت انا بالشلوت
من يومها على امري مغلوب
في دنيا ماشية بالشقلوب
تلوث بصري وسمعي
مش قادر اداري يا ناس دمعي
ده العمر بيجري ومابيرحمش
سنين بتعدي ماتتعوضش
انا ترس في مكنة مش بتدور
من صغري وانا مستني الدور

[اللازمة]
في البكا بكا بكا بكابورت
صبرت كتير وعمري ما نولت
عايش في القاع وجالي صداع
عايش في القاع و جاني صداع
وكل يوم تزيد الاوجاع في البكا بكا بورت

[المقطع الثاني]
كل يوم انا بفرهد
وفي ابسط حاجة بتمرمط
الدنيا يا ناس مش سالكة
وحياتي عبارة عن عركة
مش عارف اخد انا ساتر
ومش عارف اخلع واهاجر
اشارتنا دايما حمرا
وكل حاجة مؤامرة
خدت الشهادة يا عزيزي
وحطتها في ارابيزي
وانت عارف انا اقصد ايه
ما هو انت كمان حطيتها يا بيه

[اللازمة]
في البكا بكا بكا بكابورت
صبرت كتير وعمري ما نولت
عايش في القاع وجالي صداع
عايش في القاع و جاني صداع
وكل يوم تزيد الاوجاع في البكا بكابورت

[المقطع الثالث]
احلامي حلوة يا ناس للكل
نعيش انا وانت زي الفل
احلامي دايما منبوذة
في وسط عقول عجوزة
كان ذنبي ايه اشيل الهم
وغلطتي اني حاولت احلم
محبوس انا جوة البكابورت
اتكلمت وقلت وثورت
حاولت اطلع فوق واجرب
خدت الصابونة قبل ما اقرب
تهت خلاص واتسوحت
اللي فوق عاوزينك تحت

[اللازمة]
في البكا بكا بكا بكابورت
صبرت كتير وعمري ما نولت
عايش في القاع وجالي صداع
عايش في القاع وجاني صداع
وكل يوم تزيد الاوجاع في البكا بكابورت