El Bahs 3an El Regola - البحث عن الرجولة

[المقطع الأول]
إنجزلي حالك على ما أنزل من السقالة
فاكس الفتات، أنا باصص ع التوتالة
حتة زفرة، أقصد مطوة من الوكالة
حتت بطلة بس بطلة في الرزالة
على العموم ماليش في الموج بس بعوم
واقف على الناصية وواقفلك في البلعوم
أنا قاموس عندي البحث في المعجم
وإنت تليس الكلام زي الجحش بالمعجون
مش معزوم، ممكن أراب ع المقسوم
‫أتجوز أي Beat وبشهادة المأذون
زميلي سمكة مش خارجين من الزيتون
قوافي راجل عاقل، دايماً الكلام مورون
هل من مزيد ولا خلصتوا؟
‫فيلسوف ع الـ Beat، أنا السانتو مش أرسطو
خدته على الثابتة زي دينا لف وسطه
مثلثات في الملعب زي ما تكون جبنة نستو
مميزات رحلة بحثي عن الذات
كشفت ع اليورانيوم وخصبت الفلزات (إزاي)
إدينا التاج، عندي سيكا ع الإنتاج
عندك صاحبك أبيض في أسود عنده عطل في العداد
ملفات، مطبات
أدليبسات، مردات
مش ذنبي إنك ثابت زي الفاول وبتتشاط
واحد وتلاتين وبحرك القشاط
أربعة وعشرين سنة وكل سنة بالقيراط
بشوفكوا بالويم، أشوط الكورة تيجي في قايم
إصحالي للكلام عشان ماحدش فينا دايم
مافيش أمل، مش هنعلم البهايم
بشخر وأنا صاحي مش بشخر وأنا نايم

[اللازمة]
بحث ع الرجولة في محركات البحث
وشك إنت بومة زي الجزمة، عيل نحس
بعمل اللي أحبه ولا يخصك، ما تتنحش
ونجحنا باللي قولتوا عليه أولد وما بينجحش
بحث ع الرجولة في محركات البحث
وشك إنت بومة زي الجزمة، عيل نحس
بعمل اللي أحبه ولا يخصك، ما تتنحش
ونجحنا باللي قولتوا عليه أولد وما بينجحش

[المقطع الثاني]
‫وعامله Chorus بالغصب وبالعند
‫الـ Chorus هو إسمي ولا أكترث للتريند
أشوحكوا زي الكبدة، أحمد يوسف البرنس
في موسم الديسات بتبقوا موسم الكرينچ
هي موجة ورا موجة بس أنا واد صايع بحر
مارك زوكربيرج معاكوا عامل أنا الصح
‫بنشر الـ MC's بالمنشار، أسمنا النحر
أولد سكول جديد وإنتوا أولد فتء طحن
مش بَلعلك، مش تمام
بلعب فيفا زي ما بلعب بالكلام
سانتا ياجو بيرنابيو وإنت ملعب السلام
وصلت عند ميعادي بعد ساعة بالتمام
فبطلي رغي، هي ساعة يا بت وأنام
شد الخنافس على الغرفة
صورة أربعة في ستة، ختم الدمغة مع المرفق
أنا ع التنفيذ، شكلك فاهم يا نصة
إنت ع البريبريز زي الملصق
آه، قز إنتوا ولا دود الـ
‫L one ولا Two المهم أدوس L (دوس يا نجم)
بتلفوا تدوروا زي النودل
وقت الجد مالقتكوش فتحت جوجل

[اللازمة]
بحث ع الرجولة في محركات البحث
وشك إنت بومة زي الجزمة، عيل نحس
بعمل اللي أحبه ولا يخصك، ما تتنحش
ونجحنا باللي قولتوا عليه أولد وما بينجحش
بحث ع الرجولة في محركات البحث
وشك إنت بومة زي الجزمة، عيل نحس
بعمل اللي أحبه ولا يخصك، ما تتنحش
ونجحنا باللي قولتوا عليه أولد وما بينجحش

[الخاتمة]
إحنا نجحنا ولا جبنا كام أنا مش عارف
أنا أهو رافع إيدي بس مش هتبان
لو عملت التراك ده ميوزك فيديو عمتا هتبان
إعتبرني عامل ميوزك فيديو ورافع إيدي
ماشي، إتفقنا
السلامُ عليكم