Eisi

Ds Eisi, ds Eisi
Het mi gärn das weis i
Ds Eisi, ds Eisi, ds Eisi het mi gärn

S'isch die schönschti Blueme
Vo der Metzgergass
Ja i'r ganze Stadt isch
Kess so schön wi das
Jede Donnschtig bhaltet's frei
Ganz fur mi für mi allei
Und drum chumen ig am Donnschtig
Ersch am Morge hei

Ds Eisi, ds Eisi
Het mi gärn das weis i
Ds Eisi, ds Eisi, ds Eisi het mi gärn

Wo mir üs hei troffe
Einisch i der Nacht
Het's mer scho vo wytem
Schöne Ouge gmacht
Äs het blondi Locke gha
Ha nid chönne widerstah
Und drum bin i mit ihm gange
Und ha gmerkt: aha

Ds Eisi, ds Eisi
Het mi gärn das weis i
Ds Eisi, ds Eisi, ds Eisi het mi gärn

Und sit sälbem abe
Han i's hüüfig gseh
Und dir chöit mer's gloube
Wenn's im Negligee
Syni blonde Locke strält
Dünkt's eim grad, 's gäb uf der Wält
Niene son es hübsches Meitschi -
Für so weni gält

Ds Eisi, ds Eisi
Het mi gärn das weis i
Ds Eisi, ds Eisi, ds Eisi het mi gärn

Doch vo letscht het's gheisse
Ds Eisi isch scho bsetzt
Da han i mit heisse
Träne ds Nastuech gnetzt
S'het mi dünkt's syg alls verby
I chönn nie meh lustig sy
I ha gsüfzget won i truurig
Heizue gloffe bi

Ds Eisi, ds Eisi
Wott mer nümme treu sy
Ds Eisi, ds Eisi, ds Eisi isch mer nümme treu

Und vor churzem het mer
Einisch i der Nacht
Wider son es Meitschi
Schöni Ouge gmacht
Da bin i nümm ynegheit
I ha zu däm Frölein gseit
Göht en Andere gah sueche
We der eine weit

Ds Eisi, ds Eisi
Hani gchennt drum weis i
Treu sy, treu sy, chöi so Eisi nid