Ehna El Mafia - احنا المافيا

[المقدمة: مصطفى الجن]
حصريًا على موقع مهرجانات دوت كوم
بصوا يا أبطال
بالحب أو زي ما تحبوا، إحنا معاكو في الإتنين
على مبدأنا من يوم ما بدأنا
دولسي، دولسي برودكشن

[اللازمة: هادي الصغير]
خمسة علينا
لينا حق بيجي بإيدينا
طول ما واقفين على رجلينا
في الحديد هنفوت
إحنا المافيا
مسيطرين بالذوق والعافية
جبنا للأخصام الكافية
في الشارع جبروت

[المقطع الأول: مصطفى الجن]
أنا بنكش على أي حوار
يلا، الحبل على الجرار
خد سيف يد، هتجيب حد؟
إنت وهو هتاخدوا عيار
بص يا خصمي، ما تكرتليش
شارع، حجز، أنا ما بجليش
هنا تحلو تاخد ملو
إتثورجت إنت مش هتعيش

[اللازمة: هادي الصغير]
للبولاقية
أحلى مسا وسلام وتحية
ترعة المجنونة عالمية
مصنع الأبطال
أحمد بزو
ما إتخلقش ياض اللي يهزه
محمد الفكهاني بنفسه
مش بحد يا خال

[المقطع الثاني: مصطفى الجن]
مع أفندينا قطعناها
أي كعوب قصرناها
مش شايفين بني آدمين
والبطايق كسرناها
اللي هيجي هيشوف تحفيل
شدوا شوية، الماتش طويل
وش في وش، مش بنكش
إحنا آلا ما لناش في التغفيل

[اللازمة: هادي الصغير]
زمن المادة
مش شايفله أصول ومودة
ده الصاحب بزميله إتغدى
باعه لأجل فلوس
مين بيصونك؟
ده اللي منك بقى بيخونك
سوفت وير وقتي لتليفونك
ع اللي داسك دوس

[المقطع الثالث: مصطفى الجن]
المصلحة ما بتستناش
كله بيضعف قصاد الكاش
المانيهات عمِّت إخوات
باعوا في بعض بلاش في بلاش
صاحبي اللي أنا فكرته تمام
بان على أصله مع الأيام
مسك القرش لبس الوش
داس ع العيش والملح قوام

[اللازمة: هادي الصغير]
ياما إديته
إمتى أنا إحتاجني وجليته؟
عمري في الزنزانة قضيته
وعيني ما شافتهوش
إيه يا شاويش؟
إزاي أخويا كل ده ما يجيش؟
ده ما فيش خبر ولا حس، ما فيش
إسمي ما ندهتوش

[المقطع الرابع: مصطفى الجن]
أصعب يوم كان يوم العرض
صدمة عمري في صاحبي بجد
ع البوابة ما شفتوش يابا
ما لمحتوش قدامي ع الأرض
يا أخي ده أنا أخوك مش حد غريب
يا صاحب صاحبك ليه بتخيب؟
طب مسيلي عليك يا زميلي
يا اللي ما لكش عزيز وحبيب

[اللازمة: هادي الصغير]
أنا هتحول
مش هقدر زي الأول
فكروني في غيابي هطول
ليا رب معين
لازم أتجاحد
مش هتمشي معاكم واحد
مني هربت ودماغي ساحت
هو مين مع مين؟

[المقطع الخامس: مصطفى الجن]
قلبي صبح جبس وأسمنت
ما أنا من أقرب ناس إتخانت
حب في حب، بح، ستوب
أنا منكو مش هسرق كارت
صحبة مين؟ ده إنتو على فشوش
في راجل مجدع ما خبطتوش
خلي يا غالي الغالي في الغالي
على سكتي من تاني ما تجوش

[اللازمة: هادي الصغير]
أخويا يشرف
أي حد عليه بيتعرف
أحمد بزو قصاده تخرف
تتظبط على طول
كريم اللمبي
سندي، عزوتي، دايمًا جنبي
إمتى بقى تفرجها يا ربي
على خالد زغلول

[الخاتمة: مصطفى الجن]
محمد صبري الفكهاني فوق
صارف مع أيها مخلوق
سمير الجن، إحذروا، بيرن
طب قبلوا لو ليكو الشوق
عبده الأصفر يا إبني أساس
لو جيت على سكته تتداس
إسلام أبو جازية ده أخطر مافيا
وعماد بزو ده عم الناس
حصريًا على موقع مهرجانات دوت كوم