Eh Ghayarek - إيه غيرك

[المقطع الأول]
إيه غيرك؟ فين ضحكتك؟
بقيتي صورة لواحدة قلبي حبها
إيه غيرك؟ فين رقتك؟
فين اللي كنت وهي جنبي بشتاقلها؟
فين اللي كنت بحب فيها حب الحياة؟
ليه كل شيء كان بينا منا في ثانية تاه؟

[اللازمة]
غيرني اللي بيكسرني وبيفكرني إن أنا تمثال
حاجة ملكتها مطلوب منها تنسى عذابها وترضيه
من حزني إختل توازني وإنت عايزني بنفس الحال
حالتي النفسية بقت في الصفر وكل ده يرجع ليه
غيرني اللي بيكسرني وبيفكرني إن أنا تمثال
حاجة ملكتها مطلوب منها تنسى عذابها وترضيه
من حزني إختل توازني وإنت عايزني بنفس الحال
حالتي النفسية بقت في الصفر وكل ده يرجع ليه

[المقطع الثاني]
أنا آسفة بجد إن أنا إنسانة وإني بحس
إزاي يعني أزعل وأشكي وأبكي وألومك يوم
خليك عايش في خيالك وإرضي في نفسك بس
أصل فيه ناس كده إحساسها بغيرها بيكون معدوم

[اللازمة]
غيرني اللي بيكسرني وبيفكرني إن أنا تمثال
حاجة ملكتها مطلوب منها تنسى عذابها وترضيه
من حزني إختل توازني وإنت عايزني بنفس الحال
حالتي النفسية بقت في الصفر وكل ده يرجع ليه