Eddor ena3ora

[دخلة]
"Attendu que les accusations sont telles que"
بلاد العدالة المعدول معوج
Deymed M.B.S - Tchista El Baz
"Attendu que les preuves sont telles que"
Freekence Hostile, dédicace Phénoménal Ilyes
"La cour condamne l'accusé par une peine de 10 ans"

[المقطع الأول : تشيسطا]
لي يتبعك بالقلب ما تلعبش معاه تشيلا
اهدر قيس لسانك اذا يدك ماشي طويلة
سرك في بيرالميم حفظها
مام الحجرة من عند حبيبي نعضها
نلعبها اعمى قدام الباطل مانتمشاش بعكازة ما نقابل بشواقر
دور الالف تشوف الصقر، فالراب الدزيري اهو ناكر
قالولي تشي نسمع صوتي غير من بوطي يكون يفلوطي
قلتلهم الله يرحم الحراقة لي فغاو كفن بيض باه مغطي
عقلية خاسرة دزاير البيضة تفقصت
جوانة يقصدك في ختو يردك، تنوي الحلال يحرموك منو
حب لبلاد غرام ماشي حرام غير لي حبس قلبو
لي ربطها بيدو حلها بفموا القانون لا يحمي المغفلين مي تقدر تساومو
الورد يتشم مام البرزي هنا كل واحد و ريحتوا
بلاد المليون لازم كارطا تع مجاهد تحل ديبوا

[اللازمة : تشيسطا] (x2)
ما خْدَمنا ما خَدَّمنا بالشيرة قعدنا رقدنا
مالينا من السيستام algeria mon amour
مازال كاين ليام تدور الناعورة

[المقطع الثاني : دايماد]
تحت الشمس ما تبدل والوا ابار زاد الكره
لي راف ما ينبتوش في أرض الواقع المر
غير الظلمة لي تعلمهم يقيمو النور
ما تغركش لاترواجي رانا نولو للور
فالدزاير الدولة كونتر الشعب و الشعب كونتر الشعب
وكل واحد واحدو في هذي الحرب
طاق علي من طاق، لاجوستيس تاوب
ما تحوسش عـ لي بروبلام خاطش لقاوك
رانا بزاف بصح ماكانش لي يجاوب
عايشين بالزعاف، البلا قاع الناس تساوم
À pied الحقرة راكبة في الخشين وزهرك
Tapis السيستام طريقو مسرحة خاطش الشعب
خليه ياكسيليري ويجوز السينكيام
موندا، بالرشوة يكاربوري، لوساندي ينظم الفوضى
هبطولنا السروال وقالوا زيرو لاسانتور
السيستام بدلولو الساس ماشي غير لابانتور
سينون نو فوتور - نو فوتور
Point d'suture الغلطة كي بغاو يتعاودو شغل كية فوق
نبنيو الجديد ولا نعاندوهم
قطرة ما دير والو بصح يد في يد نغرقوهم
لالجيري مونامور، مام بعيد عليك تريحي بورتوجور مون امور
Dans chaque couplet je te fais la cour
Fais pas la sourde, qui aime bien bâtit bien
ويجي النهار ادور الناعورة

[اللازمة : تشيسطا] (x2)
ما خدمنا ما خدمنا بالشيرة قعدنا رقدنا
مالينا من السيستام algeria mon amour
مازال كاين ليام تدور الناعورة

[جسر : تشيسطا]
واش راهي داسّة، الدنيا خنزة
على قلوب الرجال راهي عافسة
ضاق الحال، الرخيس غالي
والغالي عايش مرخسينو على خبزة
تاع لحلال اهممم
الصابر ينال

[اللازمة : تشيسطا ودايماد] (x2)
ما خْدَمنا ما خَدَّمنا بالشيرة قعدنا رقدنا
مالينا من السيستام l'Algérie mon amour
مازال كاين ليام تدور الناعورة

الدايماد - تشيسطا
Le même combat
بالفريكونص نبريزيو لوسيلونس