E3adet Ta2hel - إعادة تأهيل

[المقدمة]
هاتلي العيال دي جنب بعض وقفهم هنا
هات الواد ده كده شوية
شوشو إشفط كرشك ده

[الدخلة]
نبدأ بالمعاتية، شوشو قوم أقف أنا جيت
معاك اللي مخليك قاعد في البيت تتخن بعد ما خسيت
بتفكر فيا وبس، خانقك خنقة أندر تيكر
‫بتحاول تقف ضدي مع مجموعة الماذا Fuckers

[المقطع الأول]
ده مش ديس، ده إعادة تأهيل لذكر الفيل
ياريته ما جابهم جوة وكان جابهم على المنديل
يا شوية لحم معفن إركن فكك من التشنيب
إسمع يوسف جوكر وإعتبر إنك في مركز تدريب
مبقاش غيرك إنت اللي يطلع يتكلم ع الخرق
ده إنتوا عيال اللي يسكتلها يستاهل الشنق
نخش على ديدي، بيحكها لرابع مرة
هاخدك في نص الكورة الأرضية، همسح بيك بحورها
عارف طفح بيك الكيل، بس إنت دمك تقيل
إفهاتك تروح تنافس بيها الكوميدي خليل
وعد مني مهما هعلي هاخدك وأعليك
هشهرك بإنك اللي يوسف جوكر بيشوط فيك
‫وقعت من ع الـ Beat، يا أختي ألف أسم الله عليك
سيبك من أبو الصحاب، أبو نيكة أحسن ليك
ريحي ضهرك يا ديدي وبلاش تنكشيني
يإما هنزلك في ملعبك بالبكيني

[اللازمة]
بقيت بحس إن أنا عشان أعجبكوا كجمهور لازم أكون لايق ع الدور
بمعنى أصح أكون مشهور لا لا لا
إوعوا تمشوا دماغكوا شمال عشان الناس دي شمال في شمال
لو في السفينة اللي يستاهل إنه يكون قبطان، أنا هبقى معاه

[المقطع الثاني]
ما بين إنتظاري وما بين إنتصاري
أسوار كتير بتسد بيني وبين رؤية مداري
والتافه اللي لعن الكل لما الفرصة جاتله
يشد السطر براحته ويخرف ويتفخدله
بالكيبورد مش بالراب إتريقت على الكل
شكلك نسيت إن البيوت مليانة كيبوردات
أنا في الديسات مش بلعب ولا بقول لخصمي فل
‫الـ Punch مني ع الـ Beat يطلع ياخد ميدليات
أزيدكوا من الشعر بيت يا اللي بتبنوا إله جديد
من الكفر في الأناشيد، بقيتوا عبيد عند العبيد
هاتوا هيرودوت جديد وعاملوه بنفس المعاملة
لو عاش معاكوا سنة كاملة التانية هيبرشم أكيد
لو هتاخدوا بالمفيد، ماشي نديكوا المفيد
لو كلامكم بيطلع بترول فأنا كلامي كبريت
لو الأرض هتقيدك هلف عكس الأرض
مش هسيبك إلا وزاوية ميلك نايمة لتحت

[اللازمة]
بقيت بحس إن أنا عشان أعجبكوا كجمهور لازم أكون لايق ع الدور
بمعنى أصح أكون مشهور لا لا لا
إوعوا تمشوا دماغكوا شمال عشان الناس دي شمال في شمال
لو في السفينة اللي يستاهل إنه يكون قبطان، أنا هبقى معاه

[جسر]
الأغلبية تكسب، مش معايا
أديني لوحدي وداخل أخلص فيكم واحد واحد ورا التاني
إنتوا اللي بداتوا وأنا عاجباني الحكاية
حتى لو هموت الجواكرة واقفين مكاني
بيرموا الناس بإزاز الكاس بعد ما شربوا الشيفاز
لما أرميهم أنا بنفس الحاجة بيفتحوا الترباس
مش عشان يواجهوني، عشان يشتموني
رافعين قضية عليا عشان الناس مش بيحبوني

[المقطع الثالث]
‫إعرب يلا، خد مش إنت برضه Fan أستاذ النحو
اللي ملبسك قرطاس عشان ما تحسش بالجو
الجو بارد جداً لدرجة إنك متجمد
مش عارف تتحرك غير عشان بس تقول جامد يا أحمد
متغفل مش فاهم، حتى الفاهم كاتم
حتى اللي مش كاتم ساكت، والساكت بيساهم إن الجهل عامم
أنا مش برفع إيدي غير عشان حاجتين إتنين
عشان أدعي الله وعشان أجيبه من فوق تحت الرجلين
لما قالوا إنك شاعر مالهوش زي
كل حروف الأبجدية إتحولت للنفي
ده آخرك، بتهرب ولا خايف تضرب
لو التحدي في سم روحي هتخرج جسمي هيشرب
كل روح تموت الموتة اللي تناسبها
أي حاجة إنت بتكسبها إعرف إن أنا اللي سايبها
زي جمهورك اللي بتكرهوا من جواك ومش مبين
ولو حبوا هتبقى بنفس طبعه عضمك لين

[جسر]
عارفك هتمشي تقول إن أنا عدو نجاحك
لكن يكفي إن إنت بسببي ماشي وبتجرجر في جراحك
في الساقية لما نزلت ومعاك بالعربي ريكورد
الكل كان بيرتجل وإنت حبيت تنط
لقيتني واقف، حسيتك خايف تيجي تحت الدرس
‫دخلت آه وغنيت لكن كلامك طلع Verse
ببقى أوسخ من إبليس في العند لو الموضوع يخص الراب
لو إنت ذئب فأنا الراقص مع الذئاب

[المقطع الرابع]
مش هتلاقي أحسن مني ولا هتلاقي أسوأ
عندك الخريطة في جوجل فيها كل البلاد
البار الأولاني مش بتاعي لكن دخل دماغي
‫لما سمعته لإيمنيم في تراك "So Bad"
يا أبو شنب من فضلك عرف الأمورة
إن عمق البحر بالنسبالي ملعب كورة
يعملوا رجالة وفي الواقع يهربوا من سيركلاتي
بيخافوا يجازفوا يتلوسعوا من كرابيج ديساتي
هات ** هيدفونك وخش وإسمع كل الميتين
هتلاقي الميتين في الساحة ماتوا من كلاشاتي
أنا عندي شر يكفي الساحة سنين
عندك شوشو وديدي وجيجي وعندك كرسي فاضي باقي

[فاصل]
بعاملكوا براب بتعاملوني بريكوردات على الفيسبوك
أمال فين ربكوا يا فنانين
خخ (اللي بعده) إتفو
(اللي بعده)
(ههه، أجوكر)

[اللازمة]
بقيت بحس إن أنا عشان أعجبكوا كجمهور لازم أكون لايق ع الدور
بمعنى أصح أكون مشهور لا لا لا
إوعوا تمشوا دماغكوا شمال عشان الناس دي شمال في شمال
لو في السفينة اللي يستاهل إنه يكون قبطان، أنا هبقى معاه