Durch de Lück un durch Jewöhl (Schlepp-Schlepp-Hurra)

“Meine Damen und Herren
Bitte machen Sie die Gänge frei
Und begrüßen Sie
Mit uns zusammen die Jecken der
KG Schlepp-Schlepp-Hurra!
Einmarsch!”

Et kraach un scheppert, "op de Sigg!"
Hurra, jetz kumme mir
En halve Tonn op jedem Ärm
Su kräftig wie 'ne Stier
Ieserklötzcher, Hantelstange
Tröte un en Trumm
Egal, wie schwer, dat muss do drop
Un pass op met der Schrumm

[Refrain]
Durch de Lück un durch Gewöhl
Zur Nud och durch de Wäng
Huh de Trapp, erav de Trapp
Un durch die schmalste Gäng
Durch der Himmel, durch de Höll
Jo, mer scheue kein Gefahr
Mir sin die staatse Junge vun
Schlepp-Schlepp-Hurra
Mir sin die staatse Junge vun
Schlepp-Schlepp-Hurra

Domet mer nit verhungere
Dot en Frikadell met Woosch
Met Mettbrüdcher un Kabelschlot
Un Kölsch gäge der Doosch
Dat es drei Mond uns Fröhstöck, Meddag-
Un och Ovendbrud
Mer denk et kaum, am nächste Morge
Schmeck dat widder god

[Refrain]
Durch de Lück un durch Gewöhl
Zur Nud och durch de Wäng
Huh de Trapp, erav de Trapp
Un durch die schmalste Gäng
Durch der Himmel, durch de Höll
Jo, mer scheue kein Gefahr
Mir sin die staatse Junge vun
Schlepp-Schlepp-Hurra
Mir sin die staatse Junge vun
Schlepp-Schlepp-Hurra

Wenn alles dann verkabelt es
Verkrüff mer sich ent Höttche
Am Engk vum Saal, ganz hinge durch
Do süht mer lecker Föttcher
Wenn alles läuf un alles blink
De Musik spillt schön laut
Dann weed dä ganze Firlefanz
Glich widder avgebaut

[Refrain]
Durch de Lück un durch Gewöhl
Zur Nud och durch de Wäng
Huh de Trapp, erav de Trapp
Un durch die schmalste Gäng
Durch der Himmel, durch de Höll
Jo, mer scheue kein Gefahr
Mir sin die staatse Junge vun
Schlepp-Schlepp-Hurra
Mir sin die staatse Junge vun
Schlepp-Schlepp-Hurra

Phasepröfer? Han mer nit!
Dann pröf' mer met der Zung
Wie krig ich jetz dä Dress do huh?
Versök et ens met Schwung
Wat es dat? Wat soll dä Quatsch?
Wat bruch dä Jeck ‘ne Föhn?
Zwei, dreimol drömgeweckelt hee
Dann fällt et och nit öm
Gaadeschlauch op Neutrikstecker
Wat wells do vun mir?
Mem Equalizer Quetsch jet leiser
Un Phantom op de vier
Zo winnig Saff, dä Stecker av
Et Leech geiht us em Saal
Ne Käues un jet Droht dobei
Uns Werkzeug eetster Wahl