Dos Stop La Tetkharat (3amlaly Feha Leh Farfora) - دوس استوب لا تتخرط (عاملالى فيها ليه فرفوره)

[المقدمة: مصطفى الجن وهادي الصغير]
دوس ستوب لا تتخرط
حذرتك قبل ما تتورط
محسوبك رافع ومشرط
وسعت منك؟ عادي، تتقرط
بطل تكدب وتحور
ع الفيس كاتب إنك بتعور
بالمطوة الليبي بتتصور
وإنت ألا كوسة، وشك متقور
ياو، أمجد الچوكر

[المقطع الأول: هادي الصغير]
مجرم من حرب أكتوبر
بلعب مع خصمي على السوبر
بكسبه وأركبه زي الأوبر
إذا كان هونداي أو ميني كوبر
اللي هيسحب هنا فرده
هيتقطع هو كمان برضه
الماتش هيخلص على أرضه
وأنا همشي بسكينته وفرده

[المقطع الثاني: مصطفى الجن]
نازل أفركش، مش هخلي
ولا حادق ولا حتى محلي
لو خايف على نفسك مني
كلك شريطين إتنين مللي
أصلي هخبط وهرزع
وهقطع أوتار وهمزع
هحدف مولوتوف فيكو هيلسوع
إهرب، إخلع، وسع، وسع

[المقطع الثالث: هادي الصغير]
في الحي العاشر تتورط
جسمك بكزالك يتخرط
في مدينة نصر هتتربط
في جيهتنا ما حدش يستعبط
الوحش منير مش بيهمه
ده اللي يخصمه بيسيح دمه
حمودة بيقولكو مسدودة
كله يلف ويرجع لأمه

[اللازمة: مصطفى الجن]
دوس ستوب لا تتخرط
حذرتك قبل ما تتورط
محسوبك رافع ومشرط
وسعت منك؟ عادي، تتقرط
إمسك إمسك على إيدك
سكينتك عمرها ما تفيدك
لو فاكر إن أنا ممكن أهيبك
أنا ياض كده هطمع في وريدك

[المقطع الرابع: هادي الصغير]
بطل تكدب وتحور
ع الفيس كاتب إنك بتعور
بالمطوة الليبي بتتصور
وإنت ألا كوسة، وشك متقور
صدفة قابلتك وطالبتك
قرفصت وقلت أنا خدامتك
مش كنت جدع يا إبني في حالتك؟
يا إبني إنت طلعت شبه خالتك

[المقطع الخامس: مصطفى الجن]
قناص ماهر وناشنجي
تتمسجن هتشوفني لومانجي
هتفكر تعمل أكشنجي
هتعيط وتقول يا منجي
خصمي نكشني وزعلتله
وكسرت بنفسه قصاد مامته
كان نفسه في لقطة وأنا حرمته
غلطان، صححتله وحاسبته

[المقطع السادس: هادي الصغير]
إشترى كلب وجاله قلب
يجسني في الشارع إبن الكلب
ما سرقتش كارت، إديت چامب
قطعتله وشه وشايلني الذنب
إنت اللي عملت محارب
وأنا باب خصوماتي سايبه موارب
طب آديك من المر بقيت شارب
علشان تعملي بقى سوابق

[المقطع السابع: مصطفى الجن]
حقك بتجيبه بالمحضر
وأنا حقي بجيبه وقت أما أحضر
من بيتكو بجيبك متحضر
في الشارع علني بتتسنطر
هلس، طبيعتك أنا كاشفها
ودخلاتك قدمت وعارفها
دي خدودك قطري مشلفها
قبل ما تيجي عليا إشطفها

[اللازمة: هادي الصغير]
عاملالي فيها ليه فرفورة؟
مش واكلة عليكي يا سنيورة
ده إنتي شبه صاحبي يا قمورة
وبتحطي فلاتر في الصورة
حاطة في وشك كيلو بوهية
شبه العفريتة، رايحة في داهية
قدامي ولا شايفك بعينيا
أنا بس بجيبلك من الناهية

[المقطع الثامن: مصطفى الجن]
عصبك منك بيسيب
قلتلك المادة دي بتخيب
كله يا صاحبي عليك بيعيب
بيقولوا من الإدمان متسيكب
عيب على أم إتهاماتك
تواريخك فينها ومقاماتك؟
إسمعها نصيحة من إخواتك
رزمن بقى، فوق لحياتك

[المقطع التاسع: هادي الصغير]
فكك من شغل الصراصير
ممنوع في الجو هنا تطير
مين في الحكايات حمل منير؟
قدامه ما تحرقش كتير
ولا سكاكين واكلة ولا فرودة
جيت على سكته ليلتك سودة
فكرت تخصم حمودة
في الإنعاش يحجزلك أوضة

[الخاتمة: مصطفى الجن]
هادي والجن ما بيحلوا
والچوكر مين فيكو ينزله؟
كتب الكلمات يالا تاكسلو
واللي يجيله على سكة يشيله
غزالة والمصري دول أعمامها
المافيا دي نو كلام قدامها
أحمد حاتم بيصممها
باندا بلمساته بيفخمها