Donya Gdida - دنيا جديدة

[المقطع الأول]
لما حلمت بدنيا جديدة
خدني الحلم لسكة بعيدة
وبعت الكل عشان أحلامي
فكرت إن أنا هبقى سعيدة
ما عرفتش أحسب على مهلي
لما لقيت حلمي بيندهلي
بعت إخواتي وأبويا وأهلي
ولقيت نفسي فجأة وحيدة

[اللازمة]
يغور كل ده لو التمن قلة رضا
آه يا أبويا كنت منعتني
وأنا مش معاك الكون هلاك
يغور كل ده لو التمن قلة رضا
حلمي اللي كان بيشدني
خلاني أسيب جنة رضاك
وجاية بمد إيديا خدوني
في حضنكوا شوية
وجاية بمد إيديا خدوني
في حضنكوا شوية

[المقطع الثاني]
جايلكم يا اللي نصحتوني
سبتكوا والأوهام شدوني
رجعالكم علشان تشوفوني
وأنا بدفع لدنيا ديوني
من جرحي ومن دمع عيوني
وعلى قد الأيام ما إدوني
على قد ما رجعوا وظلموني
ومن غيركوا في دنيتي تعبانة

[اللازمة]
آه يغور كل ده لو التمن قلة رضا
آه يا أبويا كنت منعتني
وأنا مش معاك الكون هلاك
يغور كل ده لو التمن قلة رضا
حلمي اللي كان بيشدني
خلاني أسيب جنة رضاك
وجاية بمد إيديا خدوني
في حضنكوا شوية
وجاية بمد إيديا خدوني
في حضنكوا شوية