Docotr Taban Aktble Rosheta Asly Bahb F Set ElHeta - دكتور تعبان اكتبلي روشته اصلي بحب في ست الحته

[المقدمة]
حصريًا على موقع مهرجانات دوت كوم
لأ، أنا فيك مصدوم
مرمي غريق، مش بعرف أعوم
إزاي صاحبي ضاربني بشوم؟
إزاي أخويا اللي بيكسرني؟
عيب عليك تبقى كبير وتبقى خايب
غلطان إن أنا كنت فاكرك من الحبايب
ليه يا زميلي بتحضرلي أنا مصايب؟
مع إني كنت شايفك أقرب القرايب
عازف أورج يوسف أوشا

[المقطع الأول]
علشان مين تبيعوني؟
طلعتوا رخاص في عيوني
إبعدوا عني بقى وسيبوني
أنا من غيركو هكون مرتاح
الأحزان ماسكاني
متغيّر، أنا واحد تاني
شاب، لكن عجز في ثواني
قلبي مات منك يا جراح

[اللازمة]
الدنيا ديا بقت كارهانا
من الصحاب تعبان بأمانة
كل اللي عرفته كان مجرد سد خانة
كل اللي شفته كان جراح وخيانة
على غدرك أنا يا صاحبي كنت صابر
كنت فاكر خيري فيك هيبقى طامر
طلعت عرة، طلعت كلب، طلعت فاجر
يوم موتك هعمله تذاكر

[المقطع الثاني]
لأ، أنا فيك مصدوم
مرمي غريق، مش بعرف أعوم
إزاي صاحبي ضاربني بشوم؟
إزاي أخويا اللي بيكسرني؟
أبو أم العيش ع الملح
ما أتاريك كنت بتاكل طفح
جوع على جوع زوِّد في الجرح
لأ، وكمان كنت مدمرني

[اللازمة]
عيب عليك تبقى كبير وتبقى خايب
غلطان إن أنا كنت فاكرك من الحبايب
ليه يا زميلي بتحضرلي أنا مصايب؟
مع إني كنت شايفك أقرب القرايب
ليه يا دنيا أقرب ما لينا بيخونونا؟
تعابين، الكل فيكو مغيّر لونه
غدارين، ما كانوش بيصونوا
دلوقتي كله جاي يسد ديونه

[المقطع الثالث]
يا حب حياتي بموت
من الأصحاب أنا مش مبسوط
عايز أحفرلي بإيدي تابوت
تعبان، ما تطبطبي عليا
عيني بتنزف دم
بقتل نفسي، أنا بشرب سم
ليه ما زارنيش ولا خال ولا عم؟
شكلي ههج بقى من الدنيا

[اللازمة]
سفاح، بجرح أوي وبخطف الأنظار
في الجرايد كاتبين عني مية حوار
‫خليكي Wait، إنتي مكانك الإنتظار
هسيبك وأمشي، هو ده آخر قرار
ما هو بعد منك جاتلي اللي مدوخاني
وبقيت معاها بجد أنا شخص تاني
حبيتها حب ما حبيتهوش ليكي في زماني
ومن الدماغ أنا نسيتك وفي ثواني

[المقطع الرابع]
يا بنت القلب بحبك
حالف أكمل عمري أنا جنبك
أيوة، أنا قلبي لايق على قلبك
إنتي بتاعتي يا بنت الناس
برتقانة على تفاح
أيوة، معاكي أنا مرتاح
ومعاكي يا بت جت الأفراح
أنا بهديكي خاتم ألماس

[اللازمة]
دكتور تعبان، إكتبلي روشتة
أصلي بحب في ست الحتة
بعدها أيها بت أونطة
البُعد عنك يبقى أكبر غلطة
دي برنسيسة، أما الباقي دول جواري
من بعد حبك أنا مش عارفني مالي
لما جيتيلي إنتي يا بت إتشقلب حالي
من ساعتها وأنا مش عارف إيه جرالي

[المقطع الخامس]
هو أنا فين؟ مع مين؟
تايه بينكو يا بني آدمين
البشر ساقها الكيتامين
وكله بقى بيطيح في كله
أنا هتحوِّل زومبي
بس الذنب يا ناس مش ذنبي
ده ذنب اللي داسوا على قلبي
وكانوا السبب في اللي حصله

[اللازمة]
ع اللي راح أنا ولعت بولاعة
الهموم مش بتفارقني ولا ساعة
فارس مدينتي، أيوة عشتها بشجاعة
أما إنتو كلاب ما فيكو شراسة ولا طاعة
وقت العركة ساحب يابا ألف وش
جرار غشيم بست أرواح، ما بيعتمدش
إجروا إستخبوا، صاصا جالكو يا حبة طفش
كبيركو عرة وهلس قلة، ما يشرفش

[الخاتمة]
حصريًا على موقع مهرجانات دوت كوم