Dima

(Intro)

ديما ... ايو تشك ... اه يو ...
حيت ديما الرباط مدينتي، ديما اليوسي حومتي، و ديما ولدالشعب سميتي و الفن الثامن فرقتي يو
فخاطر كاع العشران لي من الرباط ؛ العشران لي من اليوسي ، العشران لي يعرفو ولد الشعب اعشري
و العشران لي من "كليكتي" ... هاك !

(VERSE I)

ديما الرباط المدينة لي فيها حييت ، المدينة لي فيها بديت؛ و بالراپ فيها تبليت
فيها كتبت و غنيت ، فيها لحنت و ڭاديت ، فيها كونت و وليت و حياتي فيها ما مليت !
من وسط للمدينة حتى لأڭدال ، كولشي كايموت على المال
الرجال يدمرو على الريال ، ال ... يصوروه بلا دفال
الوزارات عندنا شحال ؛ الإدارات عندنا شحال
الهواء لي كا نشمو بغاو يبيعوه لينا بالمال !!!
لي مخليين الرباط مبليسي ، بين الرياض و السويسي
و ولادالشعب كاي يسبيريو يا فالزاكي يا فالسويسي
من باب الأحد حتى لسويقة ،حياة بحال دروب ضيقة
كولا دوار فالرباط ، فيه شلّة عيوب معيقة
من شارع فرنسا لا بغيتيها قرطسة ، خلصها فالبلاصة
و شارع النصر للز... أح ، حشاك أشهر بلاصة
عمر بلاصة و خوي بلاصة ، من حسان العكاري
لاكونتي فحي الفتح ، من بعيد تشوف جمهور عسكري

(CHORUS)

ديما !!!! الرباط مدينتي ديما !!!! اليوسي حومتي
ديما !!!! ولدالشعب سميتي ديما !!!! الفن الثامن فرقتي
ديما !!!! الرباط مدينتي ديما !!!! اليوسي حومتي
ديما !!!! ولدالشعب سميتي ديما !!!! الفن الثامن فرقتي

(VERSE II)

ديما اليوسي الحومة لي فيها حييت ، الحومة لي فيها بديت؛ و بالراپ فيها تبليت
فيها كتبت و غنيت ، فيها لحنت و ڭاديت ، فيها كونت و وليت و حياتي فيها ما مليت !
من المارشي حتى لمابيلا ، حياتنا بحال لزا "أپيلا"
الفلوس ، البنات ، الحشيش ، الحديد و شي مرات القتيلة
البيع وو الشراء فكولشي هنايا ، حيت الفلوس قليلة
بنادم كايقمر على 100 و يتقاتل على ميلة
عشراني من الدوم ل"ضأش" ، عايشين فڢيتامين "هاش"
ويلا بغيتي تقداه ، شد الصف ولا تصرفق بال14
19 أعشري كاي يضرو غير حدا "ميني پارك"
حيت اليوسي غابة و بحر ماشي "أكواريوم" ولا "پارك"
و العطايات فالليسيات ؛ بحال بطوطة و دار السلام
لاماكونتيش ولد الوقت ، و الله لا ردو عليك السّلام
عايشين حياة ممرته ،دراري بين زناقي مشتّى
عشراني يتسنا للألبوم ديالي ؛ بحال لي يتسناو الشتاء

(CHORUS)

ديما !!!! الرباط مدينتي ديما !!!! اليوسي حومتي
ديما !!!! ولدالشعب سميتي ديما !!!! الفن الثامن فرقتي
ديما !!!! الرباط مدينتي ديما !!!! اليوسي حومتي
ديما !!!! ولدالشعب سميتي ديما !!!! الفن الثامن فرقتي

(VERSE III)

ولدالشعب السمية لي بيها بديت، السمية لي بيها حييت ؛ و بالراپ فيها تبليت
بيها كتبت و غنيت ، بيها لحنت و ڭاديت ، بيها كونت و وليت و حياتي فيها ما مليت !
من اليوم ماتڭولياش شارمان ، ڭوليا ولد الشعب
الروبلة يمين و شمال اعشري، و جاي نڭلب اللعب
عصابي برد الثلج ، و دمي سخن من الحر
نقدرنكون نحسن من الخير ، نقدرنكون خيب من الشر
حيت وليت نكمي لحروف، نشرب اللحنو نشم الدقة
ماحد عقلي خدام، عيني محلولين فقلبي دقة
نقدر نراپي بزربة ، نقدر نراپي دقة دقة !
حيث ولدالشعب هي السمية والفن الثامن هي الفرقة
جايين نكتبو و نهضرو ، جايين نغنيو نعّبرو
جايين نحترمو نضصرو ؛ جايين نخدمو و نعصرو !
ههههههههههههههههههههه فلعب الراپ
جايين ... نڭادو ماشي نخصّرو ...

(CHORUS)

حيث ديما !!!! الرباط مدينتي ديما !!!! اليوسي حومتي
ديما !!!! ولدالشعب سميتي ديما !!!! الفن الثامن فرقتي
ديما !!!! الرباط مدينتي ديما !!!! اليوسي حومتي
ديما !!!! ولدالشعب سميتي ديما !!!! الفن الثامن فرقتي

(Outro)

ديما الفن الثامن فلعب الراپ ... هادا عامنا هادا ... يو
العشران كاملين ... من حي الفتح لحسان ... من النهضة أعشري حتى للسويقة !
الجيش الملكي ...

Time 04:00