Dima 3gabhoum | ديما عقابهم

[المقطع الأول]
البلاد في حالة ، مسكينة فالـ 2015
DRS آي تخلطت يا ناس ، بين الجيش و الـ
فالحباس ، والدعوة مشها لاباس La jeunesse
SMSوالرئيس مازال يحكي مع شعبو بال
إدارات إطارات في إعتراض في إضراب
الحكومة لقات الحل آم راحو جابو طرطاق
Le grade فوق Le grade ،يعني طاق على من طاق
لي يحل فمو آم يديرولو كيما داعش مع الأكراد
تسمع غير كرهت - مخ تاع الخماج
شكون لي حكم لبلاد ؟ حتى ليوم مفهمناش
الرئيس آو بالتاج ، آو مرمي فالفراش
"! وخوه آو بالعصا يقول للشعب "تاكلو الجاج
سالوبري سياسة لي جامي صرات
حتى وزير الصحة عاد يشكي من سبيطارات
سلطات، وزراء كلش فيها راهو مزور
والرئاسة كي لعروسة مسكينة راي غير تتصور

[اللازمة]
جيبو كلابكم جيبو عملائكم
جيبو الرفادة ، الشكامة ، الشياتة ديالكم
جيبو أقوالكم جيبو دعياتكم
لطفي دوبل كانون يبقي ديمها هنايا عڨابكم
ديما عقابكم ديما ديما عقابكم x3
مهما وش ديروا جامي نلاشي ديما عقابكم

[المقطع الثاني]
وزير الاتصال آو حقّار ، غدّار
Pouvoirقفل القناة تاع الوطن غير بالظلم تاع
بصّح ربّي جابلو دواء ، فضحو بالأضواء
A poil عرّاوه كل la douane كي حكموه في المطار
و إقرأ سورة الماعون
المعلّم عاد ملعون من عمايل تاع بن رمعون
فمها أعوج غير بلعوه ، واش عندها في البلعوم ؟
وزيرة تاع علوم ما تعرف فاعل مالمفعول
هذا الشي عاد معلوم ، دركا كلش راهو بان
بعد ما سرقوا ، صرفوا صواردهم ، آم داروا عالبرلمان
حبّوا يبيعوا البلاد بالقانون تاع المال
و المسؤول هذ ليامات ما نعرف حي ولّا مات
! مالا نطلب من العباد : يا الخاوة أترجاكم
بالاكو لا تنساو الشهداء ماتوا على جالكم
الحكومة اليوم آي جاتكم ، بحكاية حاجاتها لكم
الخلاصة تاعها تقول شكيب خليل آو حشاهالكم

[اللازمة]
جيبو كلابكم جيبو عملائكم
جيبو الرفادة ، الشكامة ، الشياتة ديالكم
جيبو اقوالكم جيبو دعياتكم
لطفي دوبل كانون يبقي ديمها هنايا عڨابكم
ديما عقابكم ديما ديما عقابكم x3
مهما وش ديروا جامي نلاشي ديما عقابكم

[المقطع الثالث]
يالشيات ، راك ذليل و فرحان
الكل عمبالنا الخروج عالحاكم آو حرام
راك نسيت الأحرار ، نسيت لي ضحّاو
طحّان Vrai و القناة تاع النهار آم رجعوك
يا الشيات ، واي البلاد ضاعت كاملة
الحقرة ولّات كاينة من تندوف حتى لقالمة
الرئيس بكّانا ، مسكين يمشي بالكالة
و خوه آو كلانا ، حاكمها بالوكالة
يالشيات ، ام قلبوك كي الرضيع
كل خذرة يخوفوا فيك بالثورات و الربيع
البلاد رايحة تضيع ، جابولها وزير مبهلل
كل ما يهدر يتبهدل ، و الناس بهتت كيماه يتمهبل
يا الشيات ، العباد لي كيفي ترودات
مع المضرور آي تربّات و من الضرب جامي روندات
الإنسان لي عبدتوه ربّي بلاه بالمروضات
و الكرسي لي حبّيتوه ربّي زادلو ربعة رودات

[اللازمة]
جيبو كلابكم جيبو عملائكم
جيبو الرفادة ، الشكامة ، الشياتة ديالكم
جيبو اقوالكم جيبو دعياتكم
لطفي دوبل كانون يبقي ديمها هنايا عڨابكم
ديما عقابكم ديما ديما عقابكم x3
مهما وش ديروا جامي نلاشي ديما عقابكم