De oidn Leit

Zu eanara Zeit hätts des ned gebn!
De hobn no eanan Kaisa gseghn
Domois hobn's de Fiaß a no ned so gspiat
Wias taunzn woan ban Domaier
Und da Lehar Fraunz hot dirigiert!

Drahts bei Tog olle Lichta auf
Reisst's an Bettla in Huat aus da Haund
Schütt's de Seen und e Meere zua –
Nua losst's ma de oidn Leit in ruah!

Se sogn de Wöd woa fria so sche
Und jetzta kennan's nua me gaunz laungsam geh
Und jetzta wo's vom Steabn redn
Schauts aus, ois ob's vagessn hättn
Dass fria amol jinga woan
Und net so oid geborn san
Se san hoit heit scho vül zu oid
Und a scho gaunz vakolkt
Und klogn: "Waunn da Heagott nua a Einsehgn hätt
Und mi schon endlich nemma tät"!

Von mia aus gwehnt's euch as Otman o
Nehmt's ma in da Wüstn 's letzte Wossa weg
Sperrt's de Waisnheisa zua –
Nur losst's ma de oidn Leit in ruah!

Frogt's an aufn Golgn wos a murgn mocht
Schmierts de Kiachn zuckerlrosa au
Hobt's zum lebn zwenig und zum steabn gnua –
Nur losst's ma de oidn Leit in ruah!