Dann tournan Lyrics
Dan ton zié in larm i koul
Kan ton bonom atèr li roul
Soley aou zétwal aou
Mon linivèr lodèr lalkol
Mon vèr li pwak li pik li bril
Son brèz i flanm i sof i pèt
Somanké ti zoizo li po santé
Somanké kolonm kas kolé
Lyèr tonton lé mor konbyin bonom fine alé
Laksidan la kroizé pa fé reskapé
Ziskakan nou va lès bann na
Pran la vi nout famiy
Lyèr lo kouz lé mor konbyin zenfan fine alé
Laksidan dann tournan la pwin sirvivan
Ziskakan ziskakan nou va lès bann na
Tié la zénès péi
Inn ti kout sèk in kout sarèt sa lé gayar
Mé dann kwin la boutik wa rèt atèr
In kout volan in kout kouto in kout fisiy
Zandam tribunal la prizon i gèt a ou
Wi la mor lé dan ton vèr
Si bor trotwar wa rèt atèr
Inn ti kout sek in kout sarèt sa lé gayar
Mé dan kwin la boutik wa rèt atèr
Dan ton vèr in kèr i plèr
San sak ton bonom lo rom i koul
Soley aou zétwal aou
Mon paradi touzour lalkol
Mon vèr li pwak li pik li bril
Li désir mon lespri doulèr
Somanké ti zwazo fini volé
Somanké kolonm fine krévé
Granmatin voizin blésé konbyin domoun fine alé
Batay pistolé dispit anpwazoné
Ziskakan nou va lès bann na anpwazone domoun isi
Fédivèr dann zournal kantité lank fine koulé
La tié la violé koreksionel kour d'asiz
Ziskakan ziskakan nou va lès bann na
Bril la vi nout tout isi
Parol ek mizik : Thierry GAULIRIS