Chi More Pe Mme

[Testo di "Chi More Pe' Mme]

[Intro: Luchè]
Yeah, ah
Sento 'a voce cu' 'o ritorno, ancora
Però ancora 'na vota nun me ne faccio proprio
Pecché aggi''a registrà, aggi''a dicere, aggi''a parlà
Aggi''a dicere coccose, chello che sento, chello che veco
'A raggia, 'a raggia che tengo 'a caccio 'a fore, siente
Siente mo

[Ritornello: Ntò & Luchè]
Voglio girá 'o munno
Ch''e piede o ch''e parole toje?
Vedé chi more pe'mmé
'O ssaje, ognuno guarda 'o suojo
Voglio girá 'o munno
Ch''e piede o ch''e parole toje?
Vedé chi more pe'mmé
'O ssaje, ognuno guarda 'o suojo

[Strofa 1: Ntò]
Dimme che pozzo fà se tengo ll'uocchie 'nfronte
Collegate 'a lengua ca nun offende, 'a menta pronta
Sostanzialmente me racconto e racconto, cruro 'e natura
Sott'a luce d''a luna è juorno scuro
Dedico 'e note a facce sconosciute
Pittanno 'a vita 'a 'int'ê mattune
'A vita nun se stuta, s'aspetta 'a morte vestute
'O pugno 'e fierro dint'ô guanto 'e velluto
P'ogni minuto n'atu pover'ommo s'è vennuto
E nun accummencia e nun fernesce niente
'E piezze gruosse dint'ê Roadster
'E piezze nuoste dint'ô stereo
Roba overo, rap serio
Mantenimmo chi nun se n'accorge
Chi overo se vo' fà coinvolgere
E arriva pure 'a rima p''e ridicoli
Nun 'e chiudere dint'ô studio 'e critiche
Nun si' 'o tipo cu' 'e grillette e cazette 'e lycra
'Iss''a cercà amicizia 'a Co'Sang
Pusate cullane e cappielle, mmiezzo 'a via nun ve sanno
'O bbene vence a doppo 'o sacrificio
Difficile, è poco 'o tiempo p''o capì
Jenno appriesso 'o successo
Coccodrillo, cincillà, case e proprietà
Pasha de Cartier, vacanze a Sharm
Padrune d''o quartiere danno esempio
'Int'a nu mese trenta esequie, requiem senza tregua
E tutto 'o pianeta more p''e monete
Pezziente e nobili, 'o stesso obiettivo
Cu' 'o doppio petto oppure l'UZI, è accussì
Pecciò je

[Ritornello: Ntò & Luchè]
Voglio girá 'o munno
Ch''e piede o ch''e parole toje?
Vedé chi more pe'mmé
'O ssaje, ognuno guarda 'o suojo
Voglio girá 'o munno
Ch''e piede o ch''e parole toje?
Vedé chi more pe'mmé
'O ssaje, ognuno guarda 'o suojo
Voglio girá 'o munno
Ch''e piede o ch''e parole toje?
Vedé chi more pe'mmé
'O ssaje, ognuno guarda 'o suojo
Voglio girá 'o munno
Ch''e piede o ch''e parole toje?
Vedé chi more pe'mmé
'O ssaje, ognuno guarda 'o suojo

[Strofa 2: Luchè]
Chesta va a chi parla 'e strada e nn'ha maje visto 'e strisce janche
Regnere 'a stanza d'ansia, vint'anne so' già abbastanza
Viersalo 'stu champagne, adoppo pisalo
Vide bbuono si tene 'o spessore 'e n'omme 'e core
'E frase povere nun fanno rummore
I' caccio 'o ffuoco, l'oro è poco pe 'sti mane chiene 'e rancore
E dint'a 'stu bicchiere liquore
Dint'a chist'ato succo a pera p'accuncià 'a vocca
N'ato surso e m'abbocco
Chesto songo je iastemanno 'e nuvole ca annasconneno a Dio
Solitudine, emozioname e famme stà fore 'a 'stu munno
Addò l'ammore è 'na corsa a chi fuje, cchiù forte 'e chella p''e sorde
E nun 'o supporto, ce 'o veco dint'a ll'uocchie 'e 'sti codardi
Nun salutano si nun 'e vatte, 'e scommo 'e sanghe
Va chiano 'o core
Sto 'nterra, sto murenno e nun m'arrenno ancora
Va chiano 'o core
Sto 'nterra sto murenno e nun m'arrenno
Vivenno addò 'a quotidianità se magna 'a gente
Mo 'o caccio 'a fore 'o fierro e m''e faccio, ma che tengo 'a vedè?
Nisciuno more pe'mmé, 'o saccio buono
Pe chesto scrivo rap indipendente, e pe tramento
Te tiene 'a femmena ca ammierete, strunzo
Mentre je penso all'influenza ca voglio dà 'o munno
E appunto, Co'Sang, mmiezz''a via campammo
E sfunnammo tutt''e vote che rappammo, e 'o sanno

[Ritornello: Ntò & Luchè]
Voglio girá 'o munno
Ch''e piede o ch''e parole toje?
Vedé chi more pe'mmé
'O ssaje, ognuno guarda 'o suojo
Voglio girá 'o munno
Ch''e piede o ch''e parole toje?
Vedé chi more pe'mmé
'O ssaje, ognuno guarda 'o suojo
Voglio girá 'o munno
Ch''e piede o ch''e parole toje?
Vedé chi more pe'mmé
'O ssaje, ognuno guarda 'o suojo
Voglio girá 'o munno
Ch''e piede o ch''e parole toje?
Vedé chi more pe'mmé
'O ssaje, ognuno guarda 'o suojo