Carmina 69
Catullus * Track #5 On Carminae (English translation)
Carmina 69 Annotated
Noli admirari, quare tibi femina nulla,
Rufe, velit tenerum supposuisse femur,
non si illam rarae labefactes munere vestis
aut perluciduli deliciis lapidis.
Laedit te quaedam mala fabula, qua tibi fertur [5]
valle sub alarum trux habitare caper.
Hunc metuunt omnes, neque mirum: nam mala valde est
bestia, nec quicum bella puella cubet.
Quare aut crudelem nasorum interficere pestem,
aut admirari desine cur fugiunt. [10]
Scansion of the Text
Text From: Garrison, Daniel H. 1995. A Student's Catullus. Second Edition. Norman: University of Oklahoma Press.