Carcere

[Testo di "Carcere"]

[Strofa 1]
Stongo acussì e prego 'a Madonna
Nun sputo 'ncielo ca 'nfaccia me torna
Pure sì canto na storia overa
O sto sbaglianno o nisciuno me crede
Dico accussì pe nu muorto acciso
Piglio trent'anne e nun pozzo campà

[Strofa 2]
Chillo era 'o peggio d"o quartiere
Sfruttava 'a gente dint"a miseria
Vuttava 'e guagliune a ffà scippi e rapine
E pure a vennere ll'eroina
Dicette a me stesso: "Sì saje cuntà
Ccà coccosa s'adda fà"

[Strofa 3]
Vierno, era friddo, era sabato 'e ssera
Stevo parlanno cu' donna Carmela
Ma all'antrasatta arriva 'o 'nfamone
Ca nun vulette sentì ragione
Sbattette 'a porta e pigliaje 'o curtiello
E a donna Carmela stracciaje 'a gunnella

[Strofa 4]
Nun dico 'o schifo ca me facette
Restaje fore 'a porta e nun me ne jette
E quanno 'o schifuso fernette 'o servizio
M'appriparaje pe ce fa levà 'o vizio
Pigliaje 'a catena 'e nu motorino
E m'assettaje llà vicino
E quanno 'o 'nfamone ascette d"a porta
Tenette 'o piacere e ce presentà 'a morte

[Strofa 5]
Nun dicite niente, aggio sbagliato
Je sto 'n'galera e llà ce sta n'ato
Ca dint"a miseria fa 'o sciacallo
E niente le diceno e marescialli
Marescialli e guapparia
Fanno 'na sola cunsultarìa
E chi paga 'o debito c"a miseria
O more acciso o va 'n'galera

[Strofa 6]
Stongo acussì e prego 'a Madonna
Nun sputo 'ncielo ca nfaccia me torna
Pure sì canto na storia overa
O sto sbaglianno o nisciuno me crede

[Strofa 7]
Giudice, giudice, c''hai cumbinato?
Assuolve 'o figlio e nu magistrato
Ca pe gelusia ha sparato
E pure a uno l'ha accuppato
'A sentenza mo è cagnata
E 'a cundanna nun è arrivata
E a me trent'anne m'hate dato