CAMMINANTE

[Testo di "CAMMINANTE" ft. Rocco Gitano]

[Intro: Speranza & Rocco Gitano]
(Eh-eh)
Ah ah-ah-ah ah-ah ah-ah-ah-ah ah-ah-ah

[Strofa 1: Speranza, Speranza & Rocco Gitano]
'O munno gira e i' me giro 'o munno
Nu giro 'e chitarra e "click, pah", esce 'o fummo
So' n'eremita c''u tocco 'e re Mida
Tiene l'invidia? Nun t'aggi''a dá cunto
Sî na rosa 'int'a nu campo
Colpo in canna 'int'â lupara
Mane e mane 'ncopp'ô cambio
Carica 'a ramme 'int'ô camion
Terra di qualcuno, chesta è 'a zona mia
Pure 'mmiezz'ô mare stanno 'e nomadi
Na perquisizione già dê seje 'a matina
Tra l'Italia e Francia, pare Monna Lisa
Mo te dico 'a veretà, stongo cu Rocco Gitano
'Int'a n'ammore a quatto cerchi in lega, i tuoi smuntate
Quartieri chic e quartieri shock
Sî comme a ll'oro: te tengo 'nganna
Alla Pino Daniele, i' so' pazzo
Pellicciotto sul volante
E nord, sud, ovest e st-erline, elegante
Panne firmate, comme 'a cartulina da Montesilvano
E mo jà, camminante

[Ritornello: Rocco Gitano]
"Zingaro", tu me chiamme "zingaro"
I' songo nu guaglione napulitano comme a te
"Zingaro", tu me chiamme "zingaro"
I' songo nu guaglione napulitano comme a te
Siente comme parla Speranza
Che è 'sciuto 'a chella stanza e dice 'a verità

[Strofa 2: Speranza & Rocco Gitano]
Uè là, sto comme Barry White
Freva d''o sabato in Fahrenheit
Pistole 'nfaccia pe fore e night
Cammino da latitante
Primma ca passa 'a volante e dice: "Mani in alto"
Già stongo a Alicante
Attitudine arrogante, dint'â questura
L'hê cantata bella 'a serenata
A Parsimonia nun l'hê 'a nummená
Nu matrimonio e me trase 'o denaro
Zuocchele ô pede dint'ô Mercedes
Guantanamera e po salam alek
Tu jures sur la Bible et la Mecque
T'y es tellement loin que t'habites sur Namek
Piglio a muglierema incinta, m'appiccio 'a Merit
Addò Sara la Nera facimmo nu giro
E po quanno turnammo
Simmo invitate a cena addò Salvini
"Zingaro", tu me chiamme "zingaro"
Jammuncenne da ccà
Chello ca succede nun c'amma preoccupà
Tengo na cullana e 'o bracciale 'e sunakà

[Ritornello: Rocco Gitano]
"Zingaro", tu me chiamme "zingaro"
I' songo nu guaglione napulitano comme a te
"Zingaro", tu me chiamme "zingaro"
I' songo nu guaglione napulitano comme a te
Siente comme parla Speranza
Che è 'sciuto 'a chella stanza e dice 'a verità

[Outro: Rocco Gitano & Speranza]
Speranza, Speranza, cu'tté me sento proprio na festa
Già sa' a mme
Speranza, Speranza, cu'tté me sento bbuono pecché
Tu parle 'nfaccia accussì, accussì
Ta khat li butià