Ça Va

[المقطع الأول]
نهار تطيح أخاي غاتسطم فالخاوي
تعرف بنادم لي معك شنو ساوي
غتعرف بلي صحبك كان غير داوي
عاد غتفهم بلي الرجولة غير تناوي
لي كان معك بالزربة غادي يخون
فجأة حتى احد ماغايجاوب فالتيليفون
غادي يقولو مسكين حتى يشوفوك في ركن
غايخسرو عليك كلمة بوبري راه مسجون
الخبز البايت ، والا ضحك الشمايت
يبقى في عرق وكاع مانطيح كلشي فايت
ربي يا ربي ماتشفيش في عبادك
يا دنيا راك قرتيني سم ولادك
ما نقطع الواد حتى يبانو حجارو
ما نمشيش فالليل حتى يطلع نهارو
ما نصاحب صديق حتى نعرف خبارو
وإلا ربي بلاني غنكون راضي بأقدارو

[اللازمة]
الحمد لله صافا، صابر
الحمد لله صافا، صابر
نعيش حياتي، ننسى الماضي
نبدا من جديد ونعاود كلشي عادي
ما بغيت لا صحاب، ما بغيت لا خوت
بغيت نبقى بحدي حتى نموت
نعيش حياتي، ننسى الماضي
نبدا من جديد ونعاود كلشي عادي
ما بغيت لا صحاب، ما بغيت لا خوت
بغيت نبقى بحدي حتى نموت

[المقطع الثاني]
صحبي لي شريتو غالي ، رخيص راسو باع
وكلتو خيري وكلاني فضهري ملي شبع
حيت العين دبنادم ما يعمرها غير التراب
ماتقوليش أخاي بلي باقي كاين الصحاب
ما بقاش فيا الحال ، باقي 2 رجال
وقفو معيا وخيرهم غادي يبقالي فالبال
يما وبابا وخوتي ، ولي بغيتها فالحلال
أpار هادو ليسانس وعطي العافية وشعال
وديما غا نبقى الحمد لله cava
حيت كنقول با ماشي baba
غنطيح وغنوض ، السياسة داليهود غادي تبدا يا الكدابا
بجهد الله ودعاويك الواليدة راني كاين
غا نبدا من الزيرو وغا نسطم وتصفي لاين
دقة في ومليون آلف دقة فلي خاين
وما بقا قد ما فات ، حيت العظم باين

[اللازمة]
الحمد لله صافا، صابر
الحمد لله صافا، صابر
نعيش حياتي، ننسى الماضي
نبدا من جديد ونعاود كلشي عادي
ما بغيت لا صحاب، ما بغيت لا خوت
بغيت نبقى بحدي حتى نموت
نعيش حياتي، ننسى الماضي
نبدا من جديد ونعاود كلشي عادي
ما بغيت لا صحاب، ما بغيت لا خوت
بغيت نبقى بحدي حتى نموت