Blöder geits nümm

[Verse 1]
Dä Schnitt geit tief, bis uf d Chnoche, s blüetet wine Sou
Lig wines aagschossnigs Tier i mire Wohnig im dritte Stock
Im Liecht flimmeret ufgwirblete Stoub
Wo sech erscht setzt we ne ds Bluet trifft wo vo der Deli tropft
S isch haubi, si het gseit si chäm am viertuvor
Klinge steckt immer no tief i mim Bei oder dämm wo isch blybe dervo
Us de Wunde schiesst e roti Fontäne
Wo doch immer gseit hesch "versorg das gottverdammte Brotmässer"
I ha der haub Tag gchochet u d Wohnig putzt
Vor luuter Vorspyse ds spät dra dänkt ds Poulet i Ofe z tueh
Unger d Duschi, rasiere, ds hani ou no müesse
U när mit nasse Füess uf däm huere Chuchiboden usrütsche

[Chorus]
Blöder geits nümm
Blöder geits nümm
I zelle d Minute, loufe langsam däm Liecht entgäge
I wysse Läderhändsche winki re zue
Mängisch wärs easy abzgäh aber äbe ds Läben isch so ne beschisse schöni Aaglägeheit
I zelle d Minute, loufe langsam däm Liecht entgäge
I wysse Läderhändsche winki re zue
Mängisch wärs easy abzgäh aber äbe ds Läben isch so ne beschisse schöni Aaglägeheit

[Verse 2]
Ds Wasser chocht über, der Topf zischt wine Chorb voll Schlange
Dr Bachofe wird zumne Monschter mit risigem [?]
Und ig in Mitte vo däm schwarze Rouch
U du für einisch mau ds spät, was fürne Katastrophe
Luegen uf d Uhr, s isch vilech e knappi Minute vergange
Was e Minute, d Zyt isch e Huere, das sy Stunde doch sithär
Und ig i dere rise Bluetlache unfähig mi ufzraffe
Ougelider wärde schwarz, jetz nume nid yyschlafe
Dert äne gits nume no der Tod wo uf di wartet
Dert äne wartet nume no der Tod uf di

[Chorus]
Blöder geits nümm
Nei, blöder geits nümm
I zelle d Minute, loufe langsam däm Liecht entgäge
I wysse Läderhändsche winki re zue
Mängisch wärs easy abzgäh aber äbe ds Läben isch so ne beschisse schöni Aaglägeheit
I zelle d Minute, loufe langsam däm Liecht entgäge
I wysse Läderhändsche winki re zue
Mängisch wärs easy abzgäh aber äbe ds Läben isch so ne beschisse schöni Aaglägeheit