Betestekhaba - بتستخبى

[المقطع الأول]
ولاد الناس الشبعانين معروفين
والمدعين المحدثين مفقوسين
مهما حاولوا ياخدوا لقطة مهروشين
مهما حاولوا يداروا برضه مكشوفين

[قبل اللازمة]
يا ابني إنت، أيوة إنت
شايف نفسك كده ليه؟
مين إنت؟ ومن إمتى؟
معوج بأمارة إيه؟

[اللازمة]
بتستخبى في الفلوس
صاحبي الغنى غنى النفوس
ده شكله نقص ولا إيه؟
مالكش وصف في القاموس
داخل بزفة ومهرجان
عامل مهم في المكان
وإتنين تلاتة كدابين
بيندهوك مستر فلان
جواك عقد وبتداريها
بس إحنا فاهمين اللي فيها
أصل إنت يا ابني في الحقيقة
بالونة والفراغ ماليها
أستاذ في لفت الإنتباه
وهو مين فارق معاه؟
ومين هيتصاحب عليك؟
غير اللي قرشك إشتراه
طول عمري أحب السلكانين
ناس دغري، مش ممثلين
ببعتلهم أجدع سلام
لو لسه يعني موجودين

[المقطع الثاني]
مغرور غرور ويا ريتنا جايين ع المزاج
ده شوية وهتدخل علينا لابسلي تاج
كلك عبر وشايفنا مش قد المقام
إرحمنا من عقدك بقى وشوفلك علاج

[قبل اللازمة]
يا واد إنت، أيوة إنت
نافش ريشك كده ليه؟
مين إنت؟ ومن إمتى؟
منفوخ بأمارة إيه؟

[اللازمة]
بتستخبى في الفلوس
داخلي دخلة الطاووس
ماشي وعينيك مش شايفة غيرك
ناقص على البشر تدوس
أنا، أنا، أنا وأنا وأنا
ما خلاص بقى، زهقتنا
هتموت وتبقى العين عليك
وإنت ولا تهمنا
طب إفترضنا إن إنت جامد
وإنك خلاص أهم واحد
خفيت كده من النقص يعني؟
ولا ما فيش أمل يا بارد؟
كان نفسي أقولك إقتنعنا
كان نفسي أقولك إشترينا
بس إنت من عمل إيدينا
يبقى بصراحة اللوم علينا
طول عمري أحب السلكانين
دول فوق دماغنا متشالين
ماليش أنا في المدعين
ما تفوق لنفسك، إنت مين؟