Berrani - برّاني

[مقدمة]
فين نجوم الليل ؟
فين مشا القمر وخلاني فظلامي بلا قنديل؟
بين حيوط الويل ليلي كان طويل وشلّا مواويل
الوقت ولا تقيل وبنادم غارق هموم ومشاكل
ومعندو سبيل
ويانا هاكذا كان حالي
مشا العمر الغالي والباقي ما على بالي
والقاضي ما قالي

[المقطع الأول]
يا سيدي القاضي شني باقي ملي ضاع شبابي
ضارب كوندينا دالحبس ودابا هانا فالزنقة حر و محبس فعذابي
فالحومة فحال شي براني كنسول وريوني فين دفنتو حبابي؟
فين مشاو صحابي؟ فين ولاد الدرب ؟فين لي كانو سبابي ؟
!ما لقيت أنا جوابي
يا سيد القاضي أجي وريني ولا نسيتيني؟
بين لحيوط أنا ضاعو سنيني .. وكنبات نساقصيني ! بين أنا و بيني
ما كونتشي عارف بلّي حتى الحرية عندا باب و ڭريا
حاد ما حاس بيّا ولّي فيا براكين
البارح حاكم عليا وليوما هرب ليا وغدا فين ؟

[جسر]
آسيدي القاضي ردلي جناحي
بغيت نطير نهرب من أشباحي
طال الليل وجا صباحي
وما لقيت شمس شارقا فسراحي
هاكذا سيدي القاضي
أخطائي فالماضي
حبسك زاد أمراضي
كنت راضي

[اللازمة]
أنا لي سماوني حباس ودابا تاب
ماضي مشا وغاب
غلطت ودفعت سنين عقاب
ودابا باغي جواب ؟
واش حكمتي حياتي كاملا عذاب ؟
واش الحرية سراب؟
ولا فالحبس ولينا غراب؟
ظنينا وخاب
يالقاضي

[المقطع الثاني]
كنت حاسب بلّي
غايتسالا حابسي وغنخروج نعيش حياتي كيما في بالي
عندي حياة جديدة وغنبداها مـ الـزيرو كيما القاضي قالي
كنت نستاهل العقوبة دوزت حبسي ومبقا حاد يسالي
كان الثمن غالي والمدة تسلات والحبس ما كِسالي
فالحرية مسجون مريض و مغبون ورشات حبالي
والناس كشوفوني مجرم مستقبلي مظلم أنا و امثالي
فالمجتمع معندي مكان ولا ماشي إنسان ولا أنا مالي؟
وهذا حالي ملي شفت الزنقة كيف ولّات من بعد سنين
حتى فالحرية مساجين حنا غير حثالة وملاعين
خارجين على القوانين
بغيت صفحة جديدة قلي نبدا منين؟
شحال من سين بلا جيم ولا ماضي لا حاضر والمستقبل كمين
يا سيدي القاضي علاش أنا حر وحزين ؟

[جسر]
آسيدي القاضي ردلي جناحي
بغيت نطير نهرب من أشباحي
طال الليل وجا صباحي
وما لقيت شمس شارقا فسراحي
هاكذا سيدي القاضي
أخطائي فالماضي
حبسك زاد أمراضي
كنت راضي

[اللازمة]
أنا لي سماوني حباس ودابا تاب
ماضي مشا وغاب
غلطت ودفعت سنين عقاب
ودابا باغي جواب ؟
واش حكمتي حياتي كاملا عذاب ؟
واش الحرية سراب؟
ولا فالحبس ولينا غراب؟
ظنينا وخاب
يالقاضي