Bayabaan

[Verse 1: Sunny Khan Durrani]
Kabhi aasron ke dar pe jaake diye jalaata
Kabhi umeed e sahar ka hi me sooraj dubaata
Koi aas nahi chahiye
Mujhe pyaas nahi chaiye
Mujhe dehr o haram ke koi raaz nahi chahiye
Mere zehen ki majlis me koi shaks nahi baaqi
Mere sehen ki mehfil me hi raqs karay saaqi
Is dunya ke zulmo ka hochuka me aadi
Jo bhi khud ko bachaata usse kehte fasaadi
To kya karne tassawwur? kesi hogi jahannum
Jab najaane kabse qaid hain is dunya me hum tum
Aur gham to yehi hai ke koi khaas nahi raha
Mujhe gham to yehi hai ke koi paas nahi raha
Har shakhs yahan aasron ke peeche hi bhaaga
Bas rehgya dewaar pe hi mannat ka dhaaga
Na jaaga hai ab bhi wo ghaflat ki neend se
Ke samjhe koi khush hoga uski jeet se
Sab jhoot hai
Usse koi to peghaam do
Yahan jal chuki hai basti usse koi to bata do
Sargoshi hi kardo koi jaake uske kaan me
Ke Ghaafil akela reh gaya bayabaan me

[Chorus: Daniyal Akram]
Chal rahe ham kinaaron pe
Chal rahe bin sahaaron ke
Meri Jaan
Be nishaan
Bayabaan
Chal rahe ham kinaaron pe
Chal rahe bin sahaaron ke

[Verse 2: Sunny Khan Durrani]
Mera mar gaya malaah koi kashti dhakail do
Koi khara hai kinaaray pe?
Ye naiyya hi kheench lo
Ke qaasid bhi dooba aur haasid na ruka
Jab Peghaam hi na pohuncha wahan jal gaya sooba
Shayad is tabaahi ke bhi ham hi zimmedaar hain
Jab se chorain hain aasray ham tabse ham kinaar hain
Ham subh se shaam tak hi haath pair maarain
Ham jitna bhi tairay dur hote re kinaaray
To doobna hi sahi hai ke thak chuka ye banda
Rok de saans aur khatam zindagi ka dhanda
Aur banda poochay jaane ye kesi sazaa hai
Kon se kambakht ki lagi bad dua
Dono haathon pe khoon laga rang ye laal hai
Zameen nahi pair tallay banda lazawaal
Wo bhi ziddi
Wo jaanta us paar ko
Ke zinda jala dete wahan kalakaar ko
Wo phir tairta kinaaron ki talaash me
Wo haar na maanay jab tak ban jaye na laash ye
Ke kaash ye Jaanta haqeeqat is jahaan ki
Ke kuch nahi bacha bas ye dunya bayabaan si

[Chorus: Daniyal Akram]
Chal rahe ham kinaaron pe
Chal rahe bin sahaaron ke
Meri Jaan
Be nishaan
Bayabaan
Chal rahe ham kinaaron pe
Chal rahe bin sahaaron ke