Bashar Tamali Fi Shots - بسهر تملي في شوتس

[المقدمة]
أيوة، الحريم إتعلمت السواقة وبقت بتسوق رجالة
أنا كنت مراهن عليكو بكل رجولة
وخسرت الرهان بكل سهولة
أفيجو يا دخلاوي
سيد الربع بيقولك إبعتهاله من بشتيل يا فيجو
فيجو الدخلاوي

[المقطع الأول]
صبح ومسا أنا هرازيك
تعالالي، مستنيك
أنا كنت فاكرك فاكرك
وطلعت أتاريك أتاريك
مع الحريم دفيع
مش فارقة إيه اللي يضيع
وأما بتجمعنا معاك قعدة
بتخلع من الحساب يا عويل

[اللازمة]
بكرة اللي ضيع يندم
لما الإضاءة هتضلم
درس ولازم يتعلم
الوقعة ما بتقتلش
الوقعة هتفوقه
لو لسه على مبدأه
ما هو لو كان لقى ناس تلحقه
ما كانش إتهز وموته

[المقطع الثاني]
المعلمة ليها أصول
وأنا من بدايتي معلم
بعمل كمان على طول
أنا عمري ما بتكلم
سيد الربع زعيم
بشتيل دي نفق مظلم
سمكة الوحش كتير قالهالكو
سيد الربع من يومه مجرم

[اللازمة]
أيامي كالتلفاز
قنوات كتير وخلاص
أنا تهت في الألغاز
حاسس إني بلعب ليدو
ما بقتش عارف أنا مين
والدنيا رايحة لفين
عمالة تودينا وتجيبنا
ربنا يسترها على عبيده

[المقطع الثالث]
أنا كل يوم سهران
بنسى أما أكون سكران
أكتر واحد إتخان
ده أنا خدت جايزة أوسكار
زمايلي كانوا عقارب
كان لازم إني أتكالب
أول ما فلوسي بتروح مني
كلها على حقيقتها بتظهر

[اللازمة]
بسهر تملي في شوتس
وفي كاسي بضرب غطس
أنا ماشي فيها بالعكس
الصح خطأ عندي
ما بحبش الطيران
يا رجالة يا جدعان
اللي عايزني أنا قدام منكو
أنا مش بتكلم بالهندي

[المقطع الرابع]
إستقبل الخبطات
وإشتكي للظباط
شكلك شبعت عياط
كل أما أشوفك أهينك
عامل فيها أبو عريف
أكتر واحد كريف
وأما بشوفك صدفة بطصك
على طول بديلك على عينك

[اللازمة]
أنا ليا أخ كبير
كان هو وش الخير
يستاهل التقدير
كلمته ميري تتنفذ
هو الشقيق والحب
أخويا، صاحبي توب
اللي يفكر يجي عليه
والنعمة في ثانية بيتعجز

[المقطع الخامس]
أنا لو عليا هغامر
بس النصيب بقى ضدي
هسحب وهعمل سامر
ظباط هتيجي تاخدني
بقى لازم آخد ساتر
وأخاف شوية على نفسي
أصل عينيكو يا ساتر
نظرة منها هتموتني

[اللازمة]
أنا بكتم الأنفاس
أنا مش عايش وخلاص
قدرت كل الناس
ويا ريتني حد نفعني
رشاش، أنا ما بفضاش
لسه اللي زيي ما جاش
شرق وغرب بيحكوا بإسمي
الحمد لله، الكل عارفني

[المقطع السادس]
عنواني سهل عليك
تعالالي، مستنيك
والنعمة لا ألعب بيك
وهاجي أخطفك من شارعك
الخوف باين في عينيك
ما تخافش، مش هآذيك
هديك قلمين بس لأجل إنك
تهدى وتحترم نفسك

[الخاتمة]
سيد الربع البابا
قلبه جريء، نكشنجي
المسا من الدبابة
ع الربع الأكشنجي
سيد الربع تقيل
الإسم وحده حصانة
سمكة الوحش مالوش في الجس
ومبدأه هو خيانة بخيانة
روقة السيد الربع
إبن الأسد هيغامر
من صغره عارف الصح
على طول بيعمل سامر
كلها عادي إلا روقة
الروقة يديكو أوامر
لو روقة حضر يبقى في خطر
كله يتدارى وياخد ساتر
إسلام كابونجا يا ناس
دبابة المجالات
فيجو الدخلاوي توزيعه
بيرقص الطبقات
وكلام من الشاعر الفاجر
طالع ع الفضائيات
أحلى إدارة مصطفى دولسيكا
ولمبادا ويوسف القناص
عضمة وزيكا إخوات
إدارات وفوق الشوق
مع بعض على الثبات
هيفضلوا دايمًا فوق