Baron - بارون

[المقطع]
دولا مايشركوش في العمل ويطمعو في نسبة ليهم
واللي إدونا في عز جوعنا مبنعضش غير إيديهم
بمتص شخصك عشان أكون لك أضمن
إحنا نقط مش متشافة وبنتسابق على الأفضل
كونت لك كل حاجة، لبست وش في وش وأمشي
عرفت أكون لك شيء يسعدك ومعرفتش أبقى نفسي
مخير أمشي سكة إن الدنيا مش قدنا
والفقراء بقم فقراء رغم كان طموحهم غنى
بنرجعها مرش وإحنا فيها ملوك العرش
والغريب مشاعري ماتت ونار غيرتي مبتبردش
الوحدة علمتني أنامها بدري وما أسهرش
إرادتي بانت تحت ضغط، لو بموت ماتشوفش ضعف
عقلي شطح نطح سافر، بكرة لينا صباح باكر
رغم شطارتي في كل جانب، لسه شايف نفسي فاشل
شكراً كبتي عمل كاتب وكتاباتي في عالم تالت
وأنا دماغي مش مقاسك، مش هوعي عالم تافه
متواضع غير متعالي عشان عارفها مابتدومش
أنا واحد من اللي ضميرهم طول الليل ماينيمهمش
مستعجل عايز أجيب أخرها، واحد ما يصبرش
قيمتي في سوقي لامبورجيني، وقت رخصي هبقى بورش
على الهدى وعلى الخطي طريقي فيه تعابين
نفسي أفهم ليه الموهبة عكس مؤهل التعليم
رخصك بان في سوق كرامتك، لو مليم مابنشتريش
دليل ظهور وجود معيد كان أصله إنحناء للعميد
بيتاتكو بالدولار، كلامكو رخيص جنيه متعوم
‫عندي موهبة من الصغير مشحون lyrics ومتمون
دول حرابي وبتتلون، كتل فشل وبتتكون
بتتكتب وبتتكوم، بتتقسم وبتتدون
فهمهم إنك غيرهم، ماشي عكس خط سيرهم
ده تراك للعباقرة جوا سين الحليهم بينهم
اللي إنت ميت فيهم مش هيبيعك حد غيرهم
واللي إنت واثق فيهم متشكش في حد غيرهم
خارق النطاق، عقلي واسع الأفاق
‫هكتب الـ Lyrics وأبيعها لو بتاجر في الأثار
إزاي أزرع شجرتي ويحرموني من الحصاد
ولولا الرغبة في الحرام ما كان ظهر وجود شيطان
قالك حفلة إتبسط، إسمي على التيكت
أجري كام؟ بدون فلوس؟ المهم أغنى أنبسط
ومطلعتش بعد تعب، عارف على الحلم بدري
دي شركات هيجيلها يوم وتشحت لجل تمن أجري
لو في فعل عيني تشوف وتحكم ولا قيل وقال
ولا إحترام للشعوب ولا تقديس للتراث
الناس دي بتقدملك جنة لجل ساعة المراد
كل يوم بحترم أكلي لجل إخواتي في الصومال
بيني وبيني أنا خطاء بس قاصد مش غصب
بيني وبين ضميري خصام عشت فاقد الرد
جوا حالة من الصمت، عقلي خد الخبرة عجز
أنا صاحب كل السفن بس فاقد البر
وزن دماغي كبر تقل على جسمي، إبتسمي
وصلتينا لنقطة أقولك فيها إنتي مش إنتي
كانت حاجة وبقيت شيء كاره أسمع نبرة صوته
كانت حاجة أديها عمري وبقيت شيء بتمني موته