Bandah Hal 7ad 2al Ana - بنده هل حد قال انا

[المقدمة]
بنده، هل حد قال أنا؟
حصريًا على موقع مهرجانات دوت كوم
يا بتوع من السنة للسنة
بنده، هل حد قال أنا؟ حد قال أنا؟
يا بتوع من السنة، يا بتوع من السنة للسنة
كيمو الديب

[اللازمة]
كلها هتنام من العشا
أبطال بس مشنشة
جرى إيه يا ناس يا كويسة؟
حيلكم بقى مهدود ليه؟
أنا هفضل أنافس نفسي؟
ما تجيبوا راجل ينافسني
ده بنفسي عملت أنا نفسي
الرائج أنا خدت عليه

[المقطع الأول]
أنا عايز أحس إني شايفكو
لكن للأسف أنا مش بلمحكو
وأما بريّح علشان أشوفكو
بحس بخنقة فباجي أريحكو
أنا بحضر بخطف أضوائكو
ده بالعافية ومش بستسمحكو
بتخافوا من دخلتي، ما أنا بابا
مش مسنود على بابا شبهكو

[اللازمة]
بنده، هل حد قال أنا؟
ولا ده مش صوتكو، صوتي أنا؟
يا بتوع من السنة للسنة
عيشوا دور لايق على دوركو
ساكنين جوة الأنفاق
هلا، مرحب بالأعداء
ده وفاء عند أم وفاء
بيّنوا بقى غل وشوشكو

[المقطع الثاني]
أنا لو كنت عايشها لنفسي
أنا كنت زماني راكب طيارة
يكفيني حققت اللي في نفسي
وبقيت نمبر وان بجدارة
إسأل عني في أيها شارع
أيها جيهة، هيقولك صاصا
خلى مجالنا صبح عبارة
وبقى قبطان وفي إيده الطارة

[اللازمة]
عندي أم عيالي تكفيني
حضنها ده اللي مدفيني
جايبالي حتة سكرة
شايل إسمي، ده نور عيني
كده ١٠٠ فل وربحانة
ما هو طول ما المولى معانا
كل الأخصام غيرانة
بس أنا ربي مقويني

[المقطع الثالث]
هتغلوا وتتحرقوا بغيظكو
حقكو، ما أنا جيت كلت الجو
إسمي بيتقال بينرفزكو
الكروان بقى ليكم ياض عو
إديتكو المالح فطمعتوا
وما طلعتوش ساقع ولا حلو
ربنا بقى يديني الصحة
وكل ما أكبر عليكو أحلو

[اللازمة]
حزب الهلافيت يجتمع
من إمتى ده خرج جدع؟
على إيدكم شفت البدع
وما فيش مبدأ بأمانة
مش معنى إني عرفتكو
فتقولوا إن أنا زيكو
هتجيبوا سيرة عمكو
كده مش هتكون خلصانة

[المقطع الرابع]
من فضلكو بقى لموا عزالكو
وروحوا شوفولكم حتة بعيدة
مش كل يومين هاجي أزعلكو
وأسمع منكم شغلة جديدة
ملعون أم الكيف سواحكو
وشكلها كده توليفة شديدة
عملت من الكتاكيت تماسيح
بس أنا عامل للتماسيح صيدة

[اللازمة]
كله يجيب اللي عليه
عايز أسمع، قولوا أوكيه
قد نفذ رصيدكو معايا
وما فيش حق هبقيه
إسود ع الإسود يا أسطى
والأبيض سيبه للبفتة
موقف وهتدفع فردة
كله يشخللي إيديه

[المقطع الخامس]
أنا كنت سايبكو على راحتكو
لكن شكلي مرعتكو بسكوتي
وما كانش في بالي أكسر عينكو
عشان طيب، مش شخص حقودي
بس إنتو اللي ما بتحبوش غير
اللي يكون وياكو غدودي
كده لما أنا هوصل تتخرسوا
وما أسمعش نفسكم في وجودي

[اللازمة]
الكروان ده عصام صاصا
معروف عنه المدرسة
كيمو الديب ده في توزيعه
متلقب بالمعجزة
كاستلو ده قلمه جناية
بيخلص أي حكاية
معاذ وليد وأبو طه
بيقولوا الأيام جاية

[الخاتمة]
حصريًا على موقع مهرجانات دوت كوم