Babour Dzair

Paroles de "Babour Dzair" par Systeman, Linda Black Hard, L'Big, Mc Klayton, Sontcha, D'RO, Ripou Bring Da Paing & Youcef Souigat

[Youcef Souigat : اللازمة]
Absent السفينة إذا كثروا فيها الرياس رايحة تغرق وحنايا الكابتن غايب
L'hameçon رايحين للهاوية طحنا في
السفينة إذا كثروا فيها الرياس رايحة تغرق وحنا معندناش والشعب يسفق
راكبة تسرق les pirates عندنا غير

[Linda Black Hard :المقطع الأول]
In the ship بيني بين روحي نطلع I'am strugglin
ولا نموت بجروحي؟ بلادي شعبها مافيوزو
بصح ميش كيما لي حاكمينها غانستا شيت
فالكالم لي طيح في حجرها تڤصو
بصح خلي نطلع نحاول نطبع
طبعي موش مليح لشفت الغالط نتنارفا ونصرع
خاطي نو... ليندة كوني كالم
آني نشوف في الضباب في نص الطريڤ هيا كون نلڤــا
نتخيل برك...ڤولي انتايا مين نبدا
من الشعب لي راضي ولا المسؤولين؟
لي جي يعرف غيري يطفي فينا جبدا
عندي لكتاف نسمع فيهم لهدرة بلا فايدة
الهردة الأولى.. الهردة الثانية.. الهردة الثالثة... الهردة الرابعة !
Come on زيدولوا عهدة
انا نطيش روحي في نص لبحر يكولني الحوت خير من الدود
وخير من نغرق معاكم في خردة

[Systeman :المقطع الثاني]
ريح قاوي في بحر هايج لمواج يضربوا
لحوت جيعان إڤـابر يستنى فينا نغرقوا
رايس غايب وانا فالبابور راكب هايب
لبلاد رايح للواد والسعيد حشلنا الركايب
حقك متستناش اجيبولك النايب
ونت راك راڤــد نايم
ذايب calmement شكيب ذكي يبراكي في لحرام
Dépêché أهرب fil de peche لبلاد محكومة بــ
راه باين شكون الخاين
ماتوا الرجال باش يحكموها الشمايت
شعب ألخيريا قلبوه خروف خايف يكشف لخرايب
كلش مخدوع شعرة إجي كلش رايب
سفينة بلا رايس، خرف شرف مضحكة طرايف
شبعونا قطايف، كولوها وعند ربي نريڤـلو لحسايف

[Youcef Souigat : اللازمة]
Absent السفينة إذا كثروا فيها الرياس رايحة تغرق وحنايا الكابتن غايب
L'hameçon رايحين للهاوية طحنا في
السفينة إذا كثروا فيها الرياس رايحة تغرق وحنا معندناش والشعب يسفق
راكبة تسرق les pirates عندنا غير

[KING Klay :المقطع الثالث]
مقدرناش نصيبو الحل مسؤول ڤلبو كحل
سياسة نتاع بلادي كشغل شهدة نتاع نحل
ليهم لعسل وحنا لينا الذل
يربح مول لكتاف ويموت الرجل لفحل
وحنا نصيدو المحال la belle vie نتوما عيشو
مادام الكلب لي ينبح للقضاء يحال
سياسة هايلة أيادي فالخزينة تخرب
كلاو الشعب، كلاب باسم القانون تنهب
اراضي تلهب سيستام يشلهب
داب فوڤ القانون يلعب على الشعب مسبب
درت نظام يهبل باش تحارب الفساد
نعطيك حل حارب لدار النظام بسكو فاسد
بابور ديزاد فيه غير البيروقراطية
الشعب لي ساكنو مشنوق بكرفاط الديموقراطية
البابور حاكمو رايس انديكابي
مدينا للهاوية راه ساترنا ربي

[Saber Crash :المقطع الرابع]
حكمونا پيراط، كثرونا التخلاط
حقنا في سويسرا داوه قيراط
دارونا سيراط يا الذل يا تشبع خباط
يحشولنا باسم الديموقراط ا
لكابتن سماط مزال لاصق
والطاقم الصالح فيهم سارق
سياسة نفاق زادولنا لبواق
شيات في الميديا ڤـاعد غير للتسفاق
لبحر من رايح يغماق وسفينة.. يادرا وين تغرق
شباب زهق ليسبوار فزورق
خلوني نحرق مطمعينا في ورق
واحد ما طبق خدعونا بغدوا شمسكم غدوة تشرق
يخوفوا فينا ببحور سودة
وأنا شعب يا نرضى يا تُرتكب في حقي إبادة

[L'BIG :المقطع الخامس]
بابوري غارق ڤـالوا كيفو ما كاين
بابوري فلوكة مخروڤة والظلم فيها باين
بابوري فالس داه الطوفان
حوتة مشبوكة ردوها مڤـصوفة الجنحين
بلا بوصول ماشيين في ظلمة وسواد
معايا تيم الصمود، روشي نوار نحاربوا لفساد
بحارة، نعرفوا العمق عمنا في دم الشهاد
ماتحكمنا صنارة نموتوا على لبلاد
غير هي لي خلاتنا نكونوا واحد نڤلبو الثار هذا وعد
والـراب يسنايبي عن بعد
وإذا رحنا مزالي من بعد
يهمنا الشعب أما الباقي في اللعنه
لي باغي بابوري يوصل غير اتبعنا

[Youcef Souigat : اللازمة]
Absent السفينة إذا كثروا فيها الرياس رايحة تغرق وحنايا الكابتن غايب
L'hameçon رايحين للهاوية طحنا في
السفينة إذا كثروا فيها الرياس رايحة تغرق وحنا معندناش والشعب يسفق
راكبة تسرق les pirates عندنا غير

[D'RO :المقطع السادس]
بابورنا غرق والمرسى بعيد
زورق النجات أويد
الڤايد بغانا نريحوا عبيد
هما كلاو وشبعوا طون
L'hameçon سكرولنا فوامنا بــ
وكتاه تبان السارية؟
كي لمواج العالية l'état يدين
وكتاه نغيروا الدفة ونهزوا الشراع
مالغري نبدل الضفة نبقى في صراع
السراقين في بلادي رموز
والسفينة يسيرها قرصان ولصوص

[RIPOU :المقطع السابع]
كي لبارح كي ليوم كود لفساد ظهر في كل مكان
والشعب اللي مايقرا مايفهم بلا ديپلوم معندوا مكان
الجواب في السؤال اللي جيك والسؤال يجي من الظلم
Les signaux électriques والظلم يخدم في دماغي كيما
Boite d'information مي الدماغ سطوك يبقى
Choc l'choc الهم والواقع شوك للڤلب يجرح تعيشها من
Les ennemis تعرف شكون l'économie بعينك وتشوف
شكون لغرب ڤول ولا لي داروا علينا لفيمي
كيفاش تعرف طريڤك وانت عقلك بيدهم مكبول
كيفاش التربية نزعوها عقول باش تفريمي وتڤول
La peur هوما حبوا البابور بينا يغرق وتكتلنا
Vainqueur كيف حبيت الصلاح والرايس بفففف

[Sontcha :المقطع الثامن]
ياو لكان طير طيح كي لاليوشين بلا كابتن
مـ الثنين وستين خارجين من المسار تايهين
بابور دزاير مبني على يد رياس تسنيفي الكوكايين
فجيابنا canne à peche ناصبين
حنا نازفين بيترول وكنزو دمنا
Les hautes vagues مانشوفو فضباب نجم شمال غاب
واش يجيك من قايد على كتفو غراب
بلاك تنجى فلمنام صح لتشوفو بعينك صراب حرك الدفة لايطعموك للوايت شارك
هنا مكانش بر لمان ولادهم بعثوهم فكرش البالين
وشعب الصبة نال والسعيد فالكوكپيت يدز فالـ كافيار
هذا ماشي سر كان وضرك مابقى خافي
طافي Le mal de merde ألزم سكات أڤعد بـ
La merde وتزيد تباتيني فـ L'équilibre مكانش
مالهم ماهم مالح موش صافي
طافي large حاب نشوف جثتك وفحلقك خطاف فــ

[Youcef Souigat : اللازمة]
Absent السفينة إذا كثروا فيها الرياس رايحة تغرق وحنايا الكابتن غايب
L'hameçon رايحين للهاوية طحنا في
السفينة إذا كثروا فيها الرياس رايحة تغرق وحنا معندناش والشعب يسفق
راكبة تسرق les pirates عندنا غير