Baaet Maaya - بَقِت معايا

[المقطع الأول]
إنتَ لسه فاكرها تايهه، ومحتجالك
جاي تِنصح النصايح خليهالك
تعمل إيه، ومتعملش إيه، وإنتَ مالك
وإنتَ مالك، وإنتَ مالك
جاي بِتعدل عليها، مين سمحلك
ولا بتخوفها مِنك، زي عادتك
وإن من غيرك تضيع وتعيش في وحدة
كان زمان مبقتش تاكل من الكلام ده

[اللازمة]
كانت معاك مغمضة وبإيديك ساحبها
حتى ع النفس اللي تاخده بتحاسبها
وهمتها إن حياتها بعدك تبقى باهته
بس شافت جوا حُضني الدنيا أحلى

[المقطع الثاني]
اللي شايفها بعينيك، مبقتش هي
الضعيفة خلاص معايا، بقت قوية
إنسى حتى إن فى خيالك، يوم تطولها
جمبي واقفة، يعني مش واقفة، بطولها

[اللازمة]
كانت معاك مغمضة وبإيديك ساحبها
حتى ع النفس اللي تاخده بتحاسبها
وهمتها إن حياتها بعدك تبقى باهته
بس شافت جوا حُضني الدنيا أحلى

[جسر]
كل ده ومفهمتش اللي بقوله ليك

[المقطع الثالث]
خلاص، قُولنا خِلصنا خلاص مفيهاش
فيه حدود متعديهاش، ولا تيجي جمبها
ما خلاص، نسياك ده باب مقفول
وفي كلامك مش مقبول، حتى تنطق إسمها
خلاص، قُولنا خِلصنا خلاص مفيهاش
فيه حدود متعديهاش، ولا تيجي جمبها
ما خلاص، نسياك ده باب مقفول
وفي كلامك مش مقبول، حتى تنطق إسمها