Ayam Metmnash Arg3lha - أيام متمناش أرجعلها

[اللازمة]
أيام ما أتمناش أرجعلها
آه، حبيتها بس مش هقولها
هي عايزاني بس أبَيّت في حضنها
وأنا بقيت بخاف من الحرام، قولها

[المقطع الأول]
سِعري ماسك عشان ‫Value مش Analysis
عشان مقابلة مِنّي هاتوا ‫License
إنتو بتشفّوا مِنّي لبسي، أوزي ‫Stylist
نِفسي في التصنيع يا تجار الـ ‫Items
ما بقِتش أفضفض وجروحي بتطاردني
صاحِبت واحدة من صيدلة وعلّمتني
علّمتني إزاي أحِب وقتلتني
عيوني سما ومَطّرِت على جِفني

[جسر]
فيّا كتير
وفي آلام
في كتمان وإنعدام كلام
لاحم أيامي ببعض، مش بنام
حاسس إني مش حقيقي وكل دي أحلام
هو إنتو ليه سِبتوني وجيتوا بتلوموني؟
ليه بتحسدوني زي ما تكونوا نجّمتوني؟
في وِشّي تسقفولي وضهري بتسِبّولي
كل دي إكساتي وكلهم بيحنّولي

[المقطع الثاني]
كل ده جمهوري، بيحبوني
دولا خرجوني من وِحدتي وعلموني
من كتر المعارف وقت ما بنزل الشارع
بعمل شلّة كاملة وفي ثواني بيفهموني
التراكات ناقصها صفر، صفر وهبقى نجم، نجم
عرِفت قيمتي وقت ما كنت حتى صفر، صفر
ما بقِتش أهاب الدنيا يا أسطى، أنا الـ ‫Risk
هو الـ ‫Lamborghini يثبِت إيه للتروسيكل؟

[اللازمة]
أيام ما أتمناش أرجعلها
آه، حبيتها بس مش هقولها
هي عايزاني بس أبَيّت في حضنها
وأنا بقيت بخاف من الحرام، قولها
أيام ما أتمناش أرجعلها
آه، حبيتها بس مش هقولها
هي عايزاني بس أبَيّت في حضنها
وأنا بقيت بخاف من الحرام، قولها