Awadeeh - أوديه

[المقطع الأول]
آه، مش هتجيبونا ما تحاولوش
لو كلتوا، شربتوا، روحتوا، جيتوا، برضه ما تساووش
عَرّضها عليا شوية وهو عرض وما أحضروش
‫بيلكوا يقولوا Hustla وهما ما بيتعاشروش
‫وإحنا بناكل Beats حاف على العشا
شد اللحاف يا زميلي وإهدى خف خروشة
لو شفتك أنا في حتة يلا أقلبها دقمشة
لو غلطوا وجابوا سيرتي، أنا أجيبها على الخشب
دا أنا مشيل كله مني أكني لسه جاي من سوق
أنا عندي نضارات كتيرة أكني باب اللوق
هو فاكر نفسه سكر بس شوية ميه يدوب
مش بنفعل لا خالص، أنا بقتلهم بالهدوء
دوق، دوق رابي جامد خدلك قطمة
إنت مش نازل زوري، لأ يا أسطى أنا مش هاضمك
إنت من كتر سف الكيميا ياض قلبت عضمة
نور على الـ‫‫ TV في رمضان زي برنامج الصدمة

[اللازمة]
بقولك، أوديه ديه ديه
البت سمرا زي ريري ريري
الشاب خالد، بغنيلها دي دي دي
أبو الأنوار لما أغمزلها، بتيجي جي جي
بقولك، أوديه ديه ديه
البت سمرا زي ريري ريري
الشاب خالد، بغنيلها دي دي دي
أبو الأنوار لما أغمزلها، بتيجي جي جي

[المقطع الثاني]
أوه جامد وداخل على الهادي
بغير فلوهي بس قشطة بمزاجي
بيشتموني وأنا قاطع وداني
مش بيحبوني عشان في ناس حباني
الفانز دي بتسقف يا أسطى عشان عايزاني
إحنا في چيم وصعبة يلعبوا بأوزاني
‫نعوجو لسانا عليكو يا ولاد الزو***
غلطت فيا إستحمل وأوعى تقول دا نور أذاني
وأدي نور الشرير بس طيب
أنا نفَّسي طويل، قلت طيب
وأنا لا مش طبيب، مش بطيب
ليا وزن في المجال، أنا قيم
رقص كل واحد هنا كدا هو
مش ماشية أدب إحنا بتوع مشيها قوة
معاكو محمد الشاكوش، ميمو الفتوة
لما المكسيك بتيجي ضرب نار، فخشوا جوة

[اللازمة]
بقولك، أوديه ديه ديه
البت سمرا زي ريري ريري
الشاب خالد، بغنيلها دي دي دي
أبو الأنوار لما أغمزلها، بتيجي جي جي
بقولك، أوديه ديه ديه
البت سمرا زي ريري ريري
الشاب خالد، بغنيلها دي دي دي
أبو الأنوار لما أغمزلها، بتيجي جي جي